Kenyeres István - D. Szakács Anita - Mihály Ferenc: Magyaróvár Tanácsának Törvénykezési Jegyzőkönyvei az 1581-1582. években (Győr, 2012)
D. Szakács Anita: Rats- und Gerichtsprotokoll des Marktfleckens Ungarisch Altenburg 1581-1582
vnnd anndere daselbst[en] außgossen hat. Die sein hiemit alle vnnd jede durch herrn ränntmaister, inbeisein derselbenn gegenschreiber herrn Hannß Liechtenwalters, vnnd des rats alhie, weillen si solliches alles vernaint vnnd widerrueffen für lugen in ir maul wid[er]umben zuruckh genumen, vnuerlezt aller beschwerten tail wierten vnnd ehrn gennzlichen aufgehebt, vnnd dise Hamblin vmb ir versprechen, alß ein leuchtfertig verleumbdtes weib, vonn dannen geschafft, word[en]. Actum denn 9. augustyanno [etc.] [15] 81 ist[en]. 49. (I. 85.v.-86.r.) Herr magister Michael Fidler predigant alhie vnnd Caterina sein eheliche hausfrau, habe darauf mit auspierlichen vermelden irer schwagerin vnnd Schwestern vorbenantfen] Barbara Hamblin, vmb der jnnen vnpillich[er] weiß zuegefüegten iniuri vnnd schmachungen willenn, alle freundtschafff gunst vnnd zueflucht, so si alß ein befreundte sonnsten haben sollenn, hiemit gennzlichen auf vnnd abgesagt, auch das, das jenige so sy verer von innen außgebenn wuerde, für war nit zuhalten oder vonn ir nit anzuhören sey, vnnd hierauf solliches bey gericht zu prothiculiern begehrt. Act[um] denn neunden augusty a [nno] [etc.] [15]81 ist[en]. 1581. augusztus 14. 50. (I. 86.r.-86.v.) An heut dato habenn richter rath vnnd ein ganze gemain, herrn Sebastian Khleperger burger vnnd des innern rats alhie, das gemain leutgebenn von wein vnnd pier, vonn negstkhument Micheli diß jars, biß auf denn funfzehenden januari [i] des hernach volgenden zwayvnndachzigistenn jars, per dreihundert gulden reinisch verlassenn, daran solle er in acht tagen nach anfachung des leutgebenn, halbenn thaill alß ain hundert fünfzig guldenn, vnnd denn anndern halben thaill des völligen ressts zu enndt bestimbter zeit, sambt zween ember guetten wein enttrichten vnnd erlegen. Entgegen solle ime bestanndtmann in allem orndliche paan gehaltenn, vnnd wann es von nött ein zwen oder drei tag über bestimbten termin bewilliget werd[en]. Actum denn 14. augustyanno [etc.] [ 15]81 istfen]. 51. (I. 86.v.-87.r.) Auf beuelch vnnd verornndtunng herrn haubtmannß, ist einer ganzen gemain durch herrn richter hiemit eingesagt vnnd anzaigt wordfen] alles gneu viech durchauß nit mer wie bishero weeder inner noch auser dem Weissen Creuz, sonndern hinfüran bey straff auf der haydt neben anndern viech zuhaltenn, darnach sych nunmehr ein jed[er] zurichtenn vnnd vor warnet[en] schaden zuuerhietten wissen wierdte. Actum denn 14 augusty anno [etc.] [15]81 ist[en], 1581. augusztus 18. 52. (1.87.r.-88.r.) An heut dato, denn achtzehendenn augusty anno ainvnndachzigistenn, hat sich Blasi Feldner, weillenndt Mathesen Feldners gewesten burgers alhie, vnnd Margaretha seiner verlaßnen wittib, so an yezo Vrbann Schneider schuester vnnd 114
