Dreska Gábor: A pannonhalmi konvent hiteleshelyi működésének oklevéltára IV. (1500-1526) - A Győri Egyházmegye Levéltár kiadványai. Források, feldolgozások 19. (Győr, 2013)
Oklevelek
5 10 15 20 25 30 35 40 45 66 Oklevelek 1509 simul cum eodem labantur, litterarum solidentur testimonio. Proinde ad universorum noticiam harum serie volumus pervenire, quod honorabilis magister Mathias de Dombro archidiaconus Comaroniensis et canonicus ecclesie Iauriensis pro reverendissimo in Christo patre et domino, domino Thoma, miseracione divina tituli Sancti Martini in Montibus Sacrosancte Romane Ecclesie presbitero cardinali et archiepiscopo Strigoniensi ac patriarcha Constantinopolitano etc. cum procuratoriis litteris eiusdem ab una, necnon providi et circumspecti Iohannes Wyda iudex, Dominicus similiter Wyda et Iohannes Baynok iurati, item Vincendus Bogár, Petrus, Matheus et Blasius Mykos, Ambrosius Badich, Blasius Mykos, Benedictus Wyda et Nicolaus Mark, Anthonius Denyen, Georgius Thot, Laurencius Nagh et Andreas Bakó, cives et inhabitatores possessionis regie maiestatis Ekech appellate in comitatu Comaroniensi habite et existentis totam communitatem eiusdem possessionis facientes et representantes pro se ac filiis et heredibus eorum, necnon futuris habitatoribus dicte possessionis Ekech personaliter ab alia partibus coram nobis constituti sponte et libere confessi extiterunt in hunc modum, quod quia serenissimi reges Hungarie, qui pro tempore fuerunt, et modernus quoque serenissimus dominus Wladislaus rex predictos cives pro illis eorum laboribus, quos annuatim deberent facere pro regia maiestate, ad clausuram piscine ’zewge’ vulgariter appellatam in fluvio Danubii prope villam Azood hactenus semper in omni libertate tenuissent et conservassent, ita quod cives ipsi ad nulla alia servicia preterquam dictos labores clausure obligati fuissent, nec eciam ad solucionem nonarum vel quorumcumque censuum ordinariorum et extraordinariorum compulsi extitissent, hoc pretextu licet cives ipsi eciam a solucione decimarum crediderint et arbitrati fuerint se exemptos fore et decimas huiusmodi non solverint cuipiam, a pluribus annis tamen, ex quo prefatus reverendissimus dominus cardinalis dictos cives et inhabitatores dicte possessionis Ekech ad solucionem prefatarum decimarum eidem domino cardinali et ecclesie sue teneri et obligari tam secundum regni huius decretum, quam alias iure mediante convicisset et condempnari (habuisset), habitisque superinde processibus legittimis eosdem excommunicari et aliis censuris ecclesiasticis illaqueari fecisset, ob hoc tum ex mandato prefati serenissimi domini nostri regis, tum alias ob pias causas ipsi cives ad cor reversi salutarem ad prefatum reverendissimum dominum cardinalem recursum habuissent et ab eo sibi indulgeri et parcere supplicassent, ipseque reverendissimus dominus cardinalis instar pii patris, qui filios post excessum reversos benigne suscipere solitus est, eisdem civibus veniam prebuisset et ad gráciám absolucionis ac communionem fidelium eosdem admittendos esse decrevisset, de retentis eciam et hactenus non solutis per eos decimis eosdem quittos reddidisset et modis omnibus absolutos et de decimis per ipsos cives imposterum persolvendis cum eodem domino cardinali taliter concordassent et se composuissent, quod pro singulis decem capeciis decimalibus ipsi domino cardinali et ecclesie sue de medio ipsorum civium annuatim provenientibus ipsi cives ac filii et heredes eorum, necnon ceteri habitatores predicte possessionis Ekech, qui pro tempore erunt, singulum unum florenum sive centum denarios usuales unum florenum facientes in parata ac numerata pecunia et non in aliis rebus prefato domino cardinali et successoribus suis archiepiscopis solvere debebunt et tenebuntur tali obligaminis vinculo interiecto, quod si ipsi predicti cives ac filii et heredes eo-
