Dreska Gábor: A pannonhalmi konvent hiteleshelyi működésének oklevéltára IV. (1500-1526) - A Győri Egyházmegye Levéltár kiadványai. Források, feldolgozások 19. (Győr, 2013)
Oklevelek
5 10 15 20 25 30 35 1508 Oklevelek 63 Romane Ecclesie presbiter cardinalis et archiepiscopus dicte ecclesie Strigoniensis, postquam ipsam ecclesiam Strigoniensem adeptus fuisset, paulo post dictam villam Lybad in nullo ad ipsum pertinentem, et similiter quandam piscariam dicti capituli inter possessionem Kakath ipsius domini cardinalis et possessionem dicti capituli Nana vocatam existentem de facto occupasset ipsos dominos canonicos et capitulum eisdem indebite privando et spoliando in dampnum et preiudicium eorundem valde magnum. Et licet ipse dominus cardinalis pluries institisset, ut dictum capitulum predictam possessionem Lybad sibi vendere deberet, ipsi tamen domini canonici de eodem capitulo quocienscunque in capitulo propter hoc congregati fuissent et tractatum de hoc habuissent, semper dixissent ac conclusissent nolle nec posse dictam possessionem ipsi domino cardinali vel eciam alteri vendere, cum, ut premittitur, dicti domini canonici emissent villam illam, ut prefertur, ad conservacionem dictarum missarum votivarum. Verum, sicuti ipsi domini canonici intellexissent, ipse dominus cardinalis medio quorundam alumnorum suorum, qui sub custodiam dicte ecclesie latuissent et sigillum dicti capituli tractassent et tractare potuissent, furtim, inscio ipso capitulo aliquas litteras super facto vel eciam vendicione dicte possessionis Lybad eidem cum sigillo dicti capituli sigillassent in detrimentum iuris et iusticie ipsorum dominorum canonicorum et capituli ecclesie Strigoniensis, quare prefati domini Nicolaus lector et magister Valentinus suis ac aliorum dominorum canonicorum eiusdem ecclesie Strigoniensis nominibus reclamarunt coram nobis, quod dicte littere ipsi domino cardinali expedite et sigillate super facto dicte possessionis Lybad, qualescunque ille fuissent vel forent, essent sigillate preter scitum et voluntatem capituli eiusdem ecclesie et eas in irritum revocarent et revocarunt et in nullo approbarent, sed eis in omnibus et per omnia contradicerent et eas non de mente et voluntate dicti capituli fabricatas et sigillatas esse dicerent et dixerunt, cum dictum capitulum nunquam predictam villam ipsi domino cardinali vendidissent. Facta igitur huiusmodi protestacione prefati domini Nicolaus lector et magister Valentinus prefatum dominum cardinalem et suos successores et quoscunque alios ab occupacione et detencione dicte possessionis Lybad, usu fructuum et quarumlibet utilitatum percepcione seque in dominium eiusdem intromissione vel eciam alienacione quomodocunque factis vel flendis prohibuerunt contradicendo et contradixerunt inhibendo publice et manifeste coram nobis vigore et testimonio presencium mediante. Datum in festo Assumpcionis Virginis gloriose, anno Domini millesimo quingentesimo octavo.1 1 Azonos szöveggel adott ki oklevelet a konvent 1511. november 30-án, valamint 1514. december 14-én: lásd a 873. és a 898. szám alatt. 15 latuissent] habuissent 21 expedite et sigillate] expediri et sigillari 33-34 in festo... ] 1508. aug. 15.
