Dreska Gábor: A pannonhalmi konvent hiteleshelyi működésének oklevéltára IV. (1500-1526) - A Győri Egyházmegye Levéltár kiadványai. Források, feldolgozások 19. (Győr, 2013)

Oklevelek

5

10

15

20

25

30

35

40

1504

Oklevelek

37

838.

1504. június 9. — A pannonhalmi konvent előtt Káltházi Lukács a Káltházán levő teljes birtokrészét Alsoki Korhy Benedeknek negyven forintért tizenhat évnyi időtartamra bérbe adja.

Papír, hátára nyomott pecsét töredéke. PBFL, Capsa 27 C (1215) (DF 208026).

Nos conventus monasterii Sancti Martini Sacrimontis Pannonie memorie commendamus, quod nobilis Lucas de Kalthaza onera et quelibet gravamina universorum fratrum, proximorum et consanguineorum suorum in infrascriptis super se per omnia levando et assumpmendo coram nobis personaliter constitutus sponte et libere confessus extitit eo modo, quomodo ipse pro quibusdam suis arduis necessitatibus ipsum ad presens sumpme urgentibus evitandis totalem porcionem suam possessionariam in prescripta possessione Kalthaza, in comitatu Wesprimiensi existenti habitam simul cum cunctis eiusdem utilitatibus et pertinendis quibuslibet, terris scilicet arabilibus cultis et incultis, agris, pratis, pascuis, fenetis, silvis, rubetis, nemoribus, aquis, fluviis, piscinis, piscaturis aquarumque decursibus, molendinis molendinorumque locis, vineis vinearumque promontorio, akonibus, muneribus et moncium commoditatibus, generaliter vero quarumlibet utilitatum integritatibus quovis nominis vocabulo vocitatis ad eandem totalem porcionem possessionariam de iure et ab antiquo spectantibus et pertinere debentibus nobili Benedicto Korhy de Alsook ipsiusque heredibus et posteritatibus universis pro quadraginta florenis monete Hungaricalis, centum pro uno floreno generaliter currentis plene, ut dixit, ab eodem levatis et receptis pignori obligasset, ymmo obligavit et impignoravit coram nobis tali modo, ut et si ipsius totalis porcionis possessionarie eidem Luce de Kalthaza aut ipsius posteritatibus universis facultas redimendi suppeteret, tamen nec ipse Lucas, sed nec ipsius quoque heredes et superstites universi prenotatam totalem porcionem possessionariam modo premisso pignori obligatam a manibus predicti Benedicti Korhy aut ipsius posteritatibus universis infra sedecim annos redimere valeat neque possint, revolutis siquidem predictis sedecim annis dum et quando pretacto Luce de Kalthaza aut eiusdem superstitibus ipsius totalis porcionis possessionarie facultas redimendi suppeteret, extunc memoratus Benedictus Korhy ipsiusque posteritates universi rehabitis prius predictis quadraginta florenis in monetis minus sedecim florenos, quos idem eidem coram nobis sponte tunc relaxaturum se promisit, prenotatam totalem porcionem possessionariam simul cum eiusdem cunctis utilitatibus et pertinenciis quibuslibet eidem Luce de Kalthaza ipsiusque heredibus universis quiete et pacifice remittere debeat et resignare, assumpmendo nichilominus memoratus Lucas de Kalthaza pretactum Benedictum Korhy ipsiusque posteritates universos in quieto et pacifico dominio iam fate totalis porcionis possessionarie ipsiusque pertinenciis universis contra quosvis causidicos et actores infra tempus redempcionis protegere et defensare propriis suis laboribus et expensis harum nostrarum vigore et testimonio litterarum mediante. Datum die dominico proximo post festum Sacratissimi Corporis Christi, anno Domini millesimo quingentesimo quarto.

41-42 die dominico... ] 1504. jún. 9.