Dreska Gábor: A pannonhalmi konvent hiteleshelyi működésének oklevéltára III. (1439-1499) - A Győri Egyházmegye Levéltár kiadványai. Források, feldolgozások 10. (Győr, 2010)

Oklevelek

5

10

15

20

25

30

35

40

45

84

Oklevelek

1457

Conventus monasterii Sancti Martini Sacrimontis Pannonie omnibus Christi fidelibus, presentibus et futuris presencium noticiam habituris salutem in salutis omnium largitore. Ad universorum tam presencium, quam futurorum noticiam harum serie volumus pervenire, quod nos litteras introductorias et statutorias serenissimi principis et domini, domini Ladislai Dei gracia Hungarie, Bohemie, Dalmacie, Croacie etc. regis Austrieque et Stirie ducis, necnon marchionis Moravie etc. pro parte nobilium Alberti et Clementis filiorum condam Nicolai de Gyalla ac nobilium dominarum Dorothee consortis Georgii filii Blasii de Konkol, filie videlicet eiusdem condam Nicolai de eadem Gyalla ac Hedvigis consortis alterius Nicolai Bodook de Bwchan, filie condam Ladizlai de dicta Gyalla nobis preceptorie loquentes debita cum reverencia sumpmaque cum obediencia recepimus in hec verba:

Ladislaus Dei gracia Hungarie, Bohemie, Dalmacie, Croacie etc. rex Austrieque et Stirie dux, necnon marchio Moravie etc. fidelibus nostris, conventui ecclesie Sancti Martini Sacrimontis Pannonie salutem et gráciám. Cum nos tum ad humilime supplicacionis instanciam fidelis nostri, magnifici Reynoldi de Rozgon comitis Siculorum per eum pro parte fidelium nostrorum, Alberti et Clementis, filiorum condam Nicolai de Gyalla ac nobilium dominarum, Dorothee consortis Georgii filii Blasii de Konkol, filie videlicet eiusdem condam Nicolai de eadem Gyalla ac Hedvigis consortis alterius Nicolai Bodook de Bwchan, filie condam Ladislai de dicta Gyalla nostre propterea porrecte maiestati, tum et eius per intercessionem ad id ducti fragilitatique sexus muliebris visceribus misericordie compaciendo, ne ipsas dominas temporum cum eventu sub tectis divagari contingat alienis, easdem in possessione Gyalla predicta ac porcione possessionaria in possessione Iklad vocata omnino in comitatu Komaromiensi existenti habita, iuribus scilicet prefatorum Nicolai, ipsius domine Dorothee et Ladislai, dicte domine Hedvigis patrum {earundem} in veros heredes et successores masculinos prefecimus dictasque possessionem, porcionem possessionariam prefatorum Nicolai et Ladislai memoratis dominabus Dorothee, Hedvigi earundemque heredibus et posteritatibus universis, sexus scilicet utriusque in perpetuum as[signamus], prefecimus [in] hered{itat}em, et nichilominus totum et omne ius nostrum regium, si quod in eisdem possessione et porcione possessionaria eciam alias qualitercunque haberemus aut nostram ex quibuscunque causis, modis et racionibus concerneret maiestatem, simul cum cunctis ipsarum utilitatibus et pertinenciis quibuslibet premissis sic stantibus animo deliberato et ex certa nostre maiestatis gracia Georgio de Konkol ac Nicolao Bodok de Bwchan ipsorumque heredibus et posteritatibus universis vigore aliarum litterarum nostrarum donacionalium exinde confectarum in perpetuum contulimus velimusque eosdem in dominium earundem possessionis ac porcionum possessionariarum consequenterque iuris nostri regii in eisdem habiti per nostrum et vestrum homines legittime facere introduci. Fidelitati igitur vestre firmiter precipiendo mandamus, quatenus vestrum mittatis hominem pro testimonio fidedignum, quo presente Ladislaus de Cheb vel Iohannes Harcha an Paulus Kezeg de Nek sin Emericus de eadem Nek seu Urbanus de Konkol sive Michael de eadem neve Iohannes de Path an Stephanus de Mok aliis absentibus homo noster ad facies predictarum possessionis Gyalla ac porcionis possessionarie in possessione Iklad predicta habite consequenterque iuris nostri regii in eisdem habiti vicinis et commetaneis earundem et ipsius