Dreska Gábor: A pannonhalmi konvent hiteleshelyi működésének oklevéltára III. (1439-1499) - A Győri Egyházmegye Levéltár kiadványai. Források, feldolgozások 10. (Győr, 2010)

Függelék I. - A pannonhalmi konvent hiteleshelyi tevékenységéhez köthető egyéb kiadványok

5

10

15

20

25

30

35

40

424

Függelék I.

1498

42.

1498. augusztus 8. — A győri káptalan jelenti II. Ulászló királynak, hogy Geréb Péter országbíró megkeresésére néhai Gici Imre fiainak panaszát Hathalmi Szilveszter és társainak Gicen és Hathalomban több alkalommal elkövetett hatalmaskodásáról igaznak tudta meg.

Papír, hátán zárópecsét foltja. DL 70421 (Bogyay cs. It. 23) — Külzet: Domino regi. Pro nobilibus Leonardo et Bernardo filiis condam Emerici de Gycz inquisicionis reláció.

Serenissimo principi, domino Wladislao Dei gracia regi Hungarie, Bohemie etc., domino eorum gracioso capitulum ecclesie Iauriensis oracionum suffragia in Domino devotarum cum perpetua fidelitate. Litteras inquisitorias magnifici domini, comitis Petri Gereb de Wyngarth iudicis curie vestre nobis directas honore, quo decuit, recepimus in hec verba:

Amicis suis reverendis, capitulo ecclesie Iauriensis comes Petrus Gereb de Wyngarth iudex curie serenissimi principis, domini Wladislai Dei gracia regis Hungarie, Bohemie etc. amiciciam paratam cum honore. Dicitur nobis in personis nobilium Leonhardi et Bernardi filiorum condam Emerici de Gycz, quomodo in anno, cuius iam septima vel citra instaret revolucio, nobilis condam Silvester de Hathalom ex speciali inductione Lazary et Hectoris de eadem Hathalom fratrum suorum assumptis secum nonnullis hominibus ipsorum manibus armatis et potenciariis ad domum et curiam ipsorum exponendum nobilitarem in dicta possessione Gycz, in comitatu Wesprimiensi existenti habitas irruendo ibique portis curie et hostiis domorum confractis et destructis, nisi prefatus condam Emericus pater ipsorum exponencium eotunc vivens se celare et ocultare Deique auxilio defendere valuisset, ibidem eundem nece crudeli interemissent, abinde universas litteras et litteralia instrumenta factum porcionum possessionariarum eorundem exponencium in possessionibus Gycz predicta ac Wgycz et Che appellatis in dicto comitatu Wesprimiensi existentibus habitarum, necnon vestimenta tam virilia, quam et muliebria et alia cuncta clenodia domus protunc in dictis curia et domo repertas et inventa potencialiter asportari ac, quo eorum placuisset voluntati, fecissent, ceterum anno in eodem idem Silvester, Lazarus et Hector, ignoratur, qua de causa, totalem porcionem ipsorum exponencium possessionariam impignoraticiam in dicta Hathalom, in prefato comitatu existentem habitam dempta solummodo curia nobilitari nobilis condam Ladislai de eadem Hathalom minus iuste et indebite viaque iuris sine omni pro se ipsis occupassent occupatamque tenerent et conservarent eademque uterentur eciam ad presens potencia mediante, preterea in anno, cuius iam sexta vel citra instaret revolucio, dictus condam Silvester consimiliter ex inductione fratrum suorum prenotatorum una cum suis complicibus manibus armatis et potenciariis ad dictas domum et curiam ipsorum nobilitarem in prefata possessione Gycz habitas irruendo ibique confractis portis curie et hostiis domorum prefatum condam Emericum patrem ipsorum exponencium nullis suis culpis et demeritis exigentibus captivasset captumque ad castrum spectabilis et magnifici domini Stephani de Zapolya comitis perpetui terre Schepwsiensis, dicti regni Hungarie palatini Papa vocatum abduxisset eundemque, quousque voluisset, in captivitate conservasset