Dreska Gábor: A pannonhalmi konvent hiteleshelyi működésének oklevéltára III. (1439-1499) - A Győri Egyházmegye Levéltár kiadványai. Források, feldolgozások 10. (Győr, 2010)
Függelék I. - A pannonhalmi konvent hiteleshelyi tevékenységéhez köthető egyéb kiadványok
5 10 15 20 25 30 35 398 Függelék I. 1480 serenitas litteras comitis Stephani de Bathor iudicis curie vestre serenitatis nobis directas et loquentes debita cum reverencia recepisse in hec verba: Comes Stephanus de Bathor iudex curie serenissimi principis, domini Mathie Dei gracia regis Hungarie, Bohemie, Dalmacie, Croacie etc. nobilibus viris, comiti vel vicecomiti et iudicibus nobilium comitatus Komaroniensis debitam reverenciam cum honore. Dicitur nobis in personis nobilis domine Elizabeth vocate, relicte condam Iohannis Fysy de Olcha ac Michaelis filii eiusdem, quomodo circa festum Beati Michaelis archangeli proxime preteritum Georgius Parvus de Andrashaza ex consensu et voluntate Michaelis Baychy de Zenthvyd, Petri filii eiusdem et nobilis domine Cristine, consortis eiusdem Petri quandam silvam ipsorum exponencium impignoraticiam intra veras metas possessionis Eghazaszakalas vocate, in comitatu Komaroniensi existentis adiacentem per populos et iobagiones suos penitus succidi et dissecari lignaque in eadem succisa, quo sue placuisset voluntati, fecisset; eo minime contentus tempore in predicto idem Georgius Parvus similiter ex consensu et voluntate dicti Michaelis Baychy et aliorum predictorum quandam piscinam ipsorum exponencium Selmekes vocatam, consimiliter intra metas possessionis Laak vocate, in dicto comitatu existentis adiacentem modo simili per populos et iobagiones suos depiscari piscesque in eadem prensos, quo sue placuisset voluntati, fecisset, in quibus ipsi exponenti plus quam quinquaginta florenorum auri dampna irrogasset potencia mediante in preiudicium et dampnum dictorum exponencium valde magnum. Super quo vestras nobilitates presentibus requirimus diligenter, quatenus unum vel duos ex vobis transmittatis, qui ab omnibus, quibus incumbit, meram de premissis experiatur certitudinis veritatem, quam tandem dicto domino nostro regi fideliter rescribatis. Datum Bude, in festo Beate Margarethe virginis et martiris, anno Domini millesimo quadringentesimo octuagesimo. Nos itaque litteris ipsius comitis Stephani de Bathor in omnibus obedire cupientes, ut tenemur, unum ex nobis, videlicet Paulum de Verestew iudicem nobilium ad premissa peragenda fidedignum duximus transmittendum, qui exinde ad nos reversus nobis retulit eo modo, quomodo ipse feria secunda proxima, in festo Beatorum Benedicti, Andree et Alexii confessorum proxime preterito in dicto comitatu Komaroniensi procedendo ab omnibus, quibus decens et oportunum fuisset, nobilibus videlicet et ignobilibus ac alterius cuiusvis status et condicionis dicti comitatus hominibus palam et oculte diligenter inquirendo omnia premissa et quevis premissorum singula sic et eatenus facta et perpetrata fore rescivisset, prout dicto comiti Stephano de Bathor dictum extitisset et quemadmodum tenor litterarum suarum per omnia contineret prescriptarum. Datum in Komaron, feria tercia proxima, in festo Decollacionis Sancti Iohannis Baptiste, anno ut supra.1 1 A pannonhalmi konvent jelentését lásd a 723. szám alatt. 7-8 circa festum... ] 1479. szept. 29. 24-25 in festo... ] 1480. júl. 13. 29-30 feria secunda. .. ] 1480. júl. 17. 36-37 feria tercia... ] 1480. aug. 29.
