Dreska Gábor: A pannonhalmi konvent hiteleshelyi működésének oklevéltára III. (1439-1499) - A Győri Egyházmegye Levéltár kiadványai. Források, feldolgozások 10. (Győr, 2010)
Függelék I. - A pannonhalmi konvent hiteleshelyi tevékenységéhez köthető egyéb kiadványok
5 10 15 20 25 30 35 40 1461 Függelék I. 373 priorem et conventum ecclesie de Leweld ad tricesimum secundum diem festi Beati Michaelis archangeli nunc venturi legittime perdurandam revisionis et communis inquisicionis reláció. Serenissimo principi et domino, domino Mathie Dei gracia regi Hungarie, Dalmacie, Croacie etc., domino ipsorum gracioso capitulum ecclesie Wesprimiensis oracionum suffragia devotarum perpetua cum fidelitate. Vestra noverit serenitas, quod cum nos receptis litteris vestre serenitatis preceptoriis adiudicatoriisque, revisionalibus ac inquisicionalibus pro parte Leonardi de Ayka ac Benedicti, Emerici et Petri filii Petri, necnon Benedicti et Gregorii de eadem Ayka actorum contra religiosos priorem et conventus ecclesie de Leweld in causam attractos confectis et emanatis nosque in aliqua sui parte tangentibus una cum Vincencio de Orozy pro parte dictorum actorum ac Georgio Litterato de Kyskaradh pro parte prefatorum in causam attractorum hominibus vestris inter alios homines vestros nominaliter in preallegatis litteris vestris conscriptos specialiter expressis et nominatis ad ea, que in eisdem litteris vestris continentur, exequenda et perficienda specialiter deputatis nostros homines, videlicet honorabiles magistros Michaelem de Papa similiter pro parte prefatorum actorum et Paulum de Rekas pro parte prescriptorum in causam attractorum ad infrascripta fideliter peragenda nostris pro testimoniis fidedignos duxissemus destinandos, tandem iidem ad nos reversi nobis uniformiter retulerunt, quod ipsi quintodecimo die festi Beati Michaelis archangeli proxime preteriti ad facies quarundam terrarum, silvarum et pratorum inter prescriptas possessiones Ayka et de Leweld in comitatu Wesprimiensi existentes adiacencium vicinis et commetaneis eiusdem predii Alaprennek ac nobilibus comprovincialibus dicti comitatus, prefato Leonardo pro se personaliter ac pro aliis predictis cum litteris procuratoriis nostris, pro religiosis viro priore et conventu Nicolao Litterato de Thord similiter cum procuratoriis litteris dictorum prioris et conventus comparentibus, presentibus accessissent, ubi ipsi certas metas antiquas et bene apparentes inter terras, silvas et prata ipsarum parcium reperissent, sed nullas terrarum, silvarum et pratorum particulas extra ipsas metas per priorem et conventum de Leweld occupatas vidissent et conspexissent, demum vero ab eisdem vicinis et commetaneis ac nobilibus comprovincialibus per ipsas partes illae insimul et ad unum locum convocatis et congregatis ad fidem eorum Deo debitam fidelitatemque vestre serenitati et sacro regni vestri dyademati observandam tacto dominice crucis signo prestitam prefati homines vestre serenitatis ipsis nostris testimoniis presentibus seorsum et singillatim interrogatis more communis inquisicionis investigando talem de premissis scivissent certitudinis veritatem, item primo testes pro parte religiosorum prioris et conventus ecclesie de Leweld in causam attractorum adducti, utpote religiosus frater Philipus custos de Beel in persona conventus monasterii de eadem Beel commetaneus fassus extitisset, quod ipse sciret, quod prefati dominus prior et conventus ecclesie de Leweld nullas terras arabiles et silvas ac prata iuxta fluvium ThornaWize extra veras metas ipsorum in causam attractorum intra veras metas dicti predii Alaprennek adiacentes pro se ipsis occupari fecissent, Thomas de Thege in persona egregii Pauli de Eseghwar domini sui cum 20 quintodecimo die... ] 1461. okt. 13.
