Dreska Gábor: A pannonhalmi konvent hiteleshelyi működésének oklevéltára III. (1439-1499) - A Győri Egyházmegye Levéltár kiadványai. Források, feldolgozások 10. (Győr, 2010)
Oklevelek
5 10 15 20 25 30 35 40 1470 Oklevelek 157 Michaelis archangeli de Leweid et aliorum fratrum eiusdem ordinis in eodem claustro degencium, quomodo alias condam Mathias et Michael filii Thome Pognar de Zwthwr predium ipsorum Zwthor predictum, in comitatu Iauriensi in condigna vicinitatis propinquitate possessionis ipsorum exponencium KysNywl vocate habitum honorabili capitulo ecclesie Iauriensis pro quadam sumpma pecuniarum ipsis exponentibus penitus insciis et ignorantibus, nec prius ipsis, ut moris esset, superinde ammonitis ultra condignam estimacionem eiusdem vendidissent et perpetuassent, demum idem capitulum Iauriense in festo Beati Thome apostoli in anno, cuius iam quarta instaret revolucio, preterito directam medietatem eiusdem predii coram vobis preposito de Chorna et conventui loci eiusdem consimiliter pro certa pecuniarum quantitate vendidissent et perpetuassent,1 quod quidem predium Zwthwr iidem capitulum Iauriense et prepositus de Chorna tenerent et conservarent de presenti in preiudicium dictorum exponencium manifestum, cum tamen idem exponens dictum predium Zwthwr racione premisse propinquioris vicinitatis secundum condignam eius estimacionem iuxta regni consuetudinem ab eisdem capitulo Iauriensi ac preposito et conventu de Chorna ad se redimere promptus esset et paratus. Super quo fidelitati vestre precipimus, quatenus vestrum mittatis hominem pro testimonio fidedignum, quo presente Gregorius de Azonfalwa vel Stephanus Loranth de Kysrawazd aut alter Stephanus de Azonfalwa predicta seu Dominicus Pauli de Nagech sin Nicolaus de Gugh sin Clemens Georgii de Alap aut Petrus de Ewrken aliis absentibus homo noster ad prefatum capitulum Iauriense ac prepositum et conventum de Chorna accedendo ammoneat eosdem, dicatque et committat ipsis verbo nostro regio, ut ipsi rehabita prius a prefatis exponentibus iuxta regni nostri consuetudinem premissa pecuniarum sumpma dictum predium Zwthwr simul cum cunctis suis utilitatibus ad id pertinentibus eisdem exponentibus pacifice et quiete remittere et resignare debeant et teneantur, quod si fecerint, bene quidem, alioquin prohibeat eosdem ab ulteriori detencione, conservacione dicti predii usuumque fructuum et quarumlibet utilitatum eiusdem percepcione sew percipi factione factis vel fiendis et nichilominus evocet eosdem capitulum Iauriense ac prepositum et conventum de Chorna contra annotatos exponentes nostram personalem in presenciam ad terminum competentem racionem de premissis reddituros. Et post hec huiusmodi ammonicionis, prohibicionis et evocacionis seriem cum ammonitorum et evocatorum nominibus, ut fuerit expediens, terminoque assignato eidem nostre personali presencie fideliter rescribatis. Datum Bude, in festo Trinitatis, anno Domini millesimo quadringentesimo septuagesimo, regni nostri anno tredecimo, coronacionis vero septimo. Unde nos mandatis ipsius vestre serenitatis obedire volentes, ut tenemur, una cum prefato Dominico Chwm de Naghech homine vestro nostrum hominem, videlicet religiosum fratrem Blasium sacerdotem, socium nostrum conventualem ad premissa fideliter peragenda nostro pro testimonio duximus transmittendum, qui tandem exinde ad nos reversi nobis uniformiter retulerunt eo modo, quomodo ipsi feria secunda proxima post festum Beati Benedicti abbatis proxime preteritum ad prefatum capitulum Iauriense ac prepositum et conventum de Chorna 8-9 in festo... ] 1466. dec. 21. 34-36 in festo... ] 1470. jún. 17. 42-43 feria secunda... ] 1470. júl. 16.
