Dreska Gábor: A pannonhalmi konvent hiteleshelyi működésének oklevéltára II. (1399-1438) - A Győri Egyházmegye Levéltár kiadványai. Források, feldolgozások 8. (Győr, 2008)
Oklevelek
5 10 15 20 25 30 35 40 44 Oklevelek 1407 tus Groff ac Martinus filius Templini iunioris de Zenthgyurgh viam seu stratam propter insultus hostium superiores partes regni nostri creberime lacesscencium alias obstructam et reclusam per eorum familiares, Stephanum videlicet de Vyzkoleth, Andreám de Eleutheyed, Michaelem de Magyar et Iohannem filium Ladislai de Beneechy familiares eorum in preiudicium ipsorum prepositi et capituli malicia preconcepta potencialiter fecissent aperiri, cuius tandem vie iidem hostes seu invasores regni nostri predicti patefactione percepta ad possessionem ipsorum Papfalua vocatam irruentes eandem miserabiliter devastassent, equos, boves, porcos cunctaque alia animalia, necnon res et bona iobagionum ipsorum prepositi et capituli in eadem commorandum aufferendo deduxissent, asportassent et pe(pu)lissent demumque ipsi magister Petrus et Martinus aquas et piscaturas Danubiales ad eandem possessionem Papfalua iugiter spectantes per iobagiones eorum de Iban piscari fecissent et facerent indesinenter eciam de presenti; insuper quandam particulam terre ipsorum prepositi et capituli, possessionem ipsorum Papfalua ad predictam rite pertinentem iidem magister Petrus et Martinus, necnon Petrus, Cozmas et Ladislaus filii eiusdem magistri Petri ac Eberhardus frater predicti Martini carnalis pro se ipsis occupando patibulum in eadem erexissent eorum potencia mediante similiter in ipsorum prepositi et capituli preiudicium valde magnum. Super quo fidelitati vestre firmiter precipiendo mandamus, quatenus vestrum mittatis hominem pro testimonio fidedignum, quo presente Dominicus filius Michelis de Vzur vel Iohannes de Kylithy aut Petrus Iungher dictus de Hidegheth sin Iacobus sive Thomas filii Andree de Baar aut Gallus filius Mathyus de eadem sive Stephanus filius Abrahe de Nogpadan aliis absentibus homo noster ab omnibus, quibus incumbit, meram de premissis experiatur veritatem, quam tandem nobis fideliter rescribatis. Presentes vero propter absenciam venerabilis patris, domini Eberhardi episcopi Waradiensis, aule nostre sumpmi cancellarii et sigillorum nostrorum erga ipsum habitorum sigillo eiusdem fecimus consignari. Datum Bude, in festo Beati Martini confessoris, anno Domini Mmo quadringentesimo septimo. Unde nos preceptis et mandatis vestre serenitatis obedire cupientes, ut ex debito tenemur, una cum Iohanne de Kylithy homine vestro predicto nostrum hominem, fratrem Nicolaum de conventu dicte ecclesie nostre ad infrascriptam inquisicionem faciendam pro nostro testimonio transmisimus fidedignum, qui postmodum ad nos reversi nobis uniformiter retulerunt, quod prefatus homo vester presente eodem nostro testimonio feria sexta proxima ante festum Beate Elizabeth regine nunc preteritum in comitatu Posoniensi procedendo ab omnibus, quibus decuisset et licuisset, videlicet nobilibus et ignobilibus ac ab aliis cuiusvis status et condicionis dicti comitatus hominibus palam et oculte diligenter inquirendo omnia premissa et quevis premissorum singula sic facta fuisse scivisset et perpetrata, prout vestre dictum extitisset maiestati et quemadmodum tenor litterarum vestrarum per omnia continet prescriptarum. Datum sexto die diei inquisicionis antedicte, anno Domini superius expresso.1 * 35 2 lacesscencium] lacesscencia 6 aperiri] aperire 27-28 in festo... ] 1407. nov. 11. 34-35 feria sexta... ] 1407. nov. 18. 34 ante] Előtte kihúzva: post. 40-41 sexto die...] 1407. nov. 23.
