Dreska Gábor: A pannonhalmi konvent hiteleshelyi működésének oklevéltára II. (1399-1438) - A Győri Egyházmegye Levéltár kiadványai. Források, feldolgozások 8. (Győr, 2008)
Oklevelek
5 10 15 20 25 30 35 40 38 Oklevelek 1407 Serenissimo principi et domino ipsorum, domino Sigismundo Dei gratia Hungarorum regi illustri etc. conventus monasterii de Sacro Monte Pannoniae orationes in Domino. Sane litteras vestrae sublimitatis sumpma cum reverentia recepimus in haec verba: Sigismundus Dei gratia rex Hungáriáé, Dalmatiae, Croatiae etc. marchioque Brandenburgensis etc., Sacri Romani Imperii vicarius generalis et regni Bohemiae gubernator fidelibus suis, conventui ecclesiae Sancti Martini Sacrimontis Pannoniae salutem et gratiam. Dicitur nobis in personis conventus monasterii Beati Michaelis archangeli de Chorna, quomodo Zambo et Vynchlo de Sebehaza ac Iohannes et Benedictus de eadem, necnon Dominicus de Vadasfalva a multis temporibus retrolapsis et signanter in instanti hyeme quandam silvam ipsius conventus in vicinitate possessionis Paly vocatae adiacentem succidi et anichilari fecissent ipsorum potentia mediante in praeiudicium dicti conventus et dampnum valde magnum. Super quo fidelitati vestrae firmiter praecipiendo mandamus, quatenus vestrum mittatis hominem pro testimonio fidedignum, quo praesente Ladislaus vel Emericus de Paztor seu Michael aut Dominicus de Chaford sin Nicolaus Bondor dictus de dicta Paztor neve Paulus seu Gregorius de Pothyund vel Petrus de eadem aut Nicolaus de Banheghe aliis absentibus homo noster ab omnibus, quibus incumbit, meram et omnimodam de praemissis experiatur veritatem, quam tandem nobis fideliter rescribatis. Praesentes autem propter absentiam venerabilis patris, domini Eberardi episcopi Varadiensis, aulae nostrae cancellarii et sigillorum nostrorum erga ipsum habitorum sigillo eiusdem fecimus consignari. Datum in Vyssegrad, feria sexta proxima ante festum Circumcisionis Domini, anno eiusdem millesimo quadringentesimo sexto. Nos itaque praeceptis vestrae serenitatis obtemperantes, ut tenemur, una cum supradicto Petro de Pothond homine vestro nostrum hominem, videlicet dominum Emericum sacerdotem, capellanum ecclesiae nostrae parochialis de Alsuk ad praemissa exequenda transmisimus pro testimonio fidedignum, qui demum ad nos regressi conformiter nobis retulerunt, ut idem homo vester praesente nostro testimonio feria sexta proxima post octavas festi Epiphaniarum Domini proxime praeteriti in comitatu Supruniensi procedendo a nobilibus et ignobilibus ceterisque communibus dicti comitatus hominibus et specialiter a vicinis et commetaneis supradictae silvae, a quibus decuisset et licuisset, inter quos nonnulli maioris eminentiae et dignitatis, quam sunt inferiores, nobiles exstitissent, palam et occulte diligenterque investigando praefatam silvam memorati conventus de Chorna taliter et eo modo succisam, anichilatam seu desolatam fore rescivisset, sicut in personis dicti conventus vestrae dictum extitit celsitudini et in tenore continentur litterarum vestrarum praedictarum. Datum quarto die dictae diei ipsius inquisitionis, anno Domini millesimo quadringentesimo septimo.1 1 Egyező jelentést adott ki pátensként Zsigmond király ugyanaznapi parancsára a feria sexta ante quindenas festi Epiphaniarum tett tudományvételről és idézésről annak harmadik napján * 16 23-24 feria sexta... ] 1406. dec. 31. 30-31 feria sexta... ] 1407. jan. 14. 38-39 quarto die...] 1407. jan. 17. 40-41 feria sexta... ] 1407. jan. 14. 41 harmadik napján ] 1407. jan. 16.
