Dreska Gábor: A pannonhalmi konvent hiteleshelyi működésének oklevéltára II. (1399-1438) - A Győri Egyházmegye Levéltár kiadványai. Források, feldolgozások 8. (Győr, 2008)

Függelék I. - A pannonhalmi konvent hiteleshelyi tevékenységéhez köthető egyéb kiadványok

5

10

15

20

25

30

35

40

1423

Függelék I.

363

regis Sigismundi deducta ad octavas festi Beati Michaelis archangeli proxime preteritas prorogata fuisset et abinde ipse dominus noster rex discussionem cause premisse de earundem parcium voluntate ad presentes octavas festi Epiphaniarum Domini nostram in presenciam per nos decidendam transmisisset.

Denique ipsis octavis festi Epiphaniarum Domini instantibus prefatus frater Anthonius prepositus personaliter pro se et pro prefato Stephano de Kanysa cum procuratoriis litteris conventus de Kapornak ab una, parte vero ex alia magister Blasius de Vagh pro dicto capitulo Iauriensi cum procuratoriis litteris eiusdem capituli nostram veniendo in presenciam primo idem dominus prepositus suo et dicti magistri Stephani nominibus replicabat in hunc modum, quomodo licet ipse prefatique dominus Iohannes archiepiscopus et magister Stephanus de Kanysa cum prefato capitulo Iauriensi ad rectificandas dictas metas modo primo transmissi fuissent, tamen tandem ante determinacionem huiusmodi iudiciarie commissionis Thomas filius Stephani dicti Nemes et Petrus filius Barnabe de Zwthor ipsum, scilicet fratrem Anthonium prepositum et suum conventum, necnon prefatum dominum Iohannem archiepiscopum in facto rectificacionis metarum dicte eorum possessionis Zwthor alio nomine Barathy in comitatu Iauriensi existentis in presenciam comitis Petri de Peren iudicis curie regie in causam attraxissent, et ipsa causa primo in presenciam eiusdem comitis Petri fuisset ventilata, postmodum in personalem presenciam dicti domini nostri regis deducta fuisset, ubi idem Thomas et Petrus iuxta adiudicacionem ipsius domini nostri, regis Sigismundi premissam totam porcionem ipsius capituli Iauriensis in iam fata possessione Barathy habitam pro se iuridice reoptinuissent; et quod idem capitulum inibi excepta illa porcione predicta, que ab ipso fuisset reoptenta, nullam aliam porcionem haberet et ideo ipsi cum prefato capitulo dictam reambulacionem metalem peragrare non tenerentur. Ubi ipse prepositus ibidem in horum verborum suorum declaracionem duas litteras, unam prefati domini nostri, regis Sigismundi adiudicatorias,8 in Debrechen, secundo die ferie sexte proxime post festum Sacratissimi Corporis Christi et secundam vestram exinde relatorie rescriptam, duodecimo die octavi diei festi Nativitatis Beati Iohannis Baptiste omnium proxime preteritarum exortas nostro iudiciario examini demonstravit earum seriebus nos informando eo modo, quomodo ob contradictoriam inhibicionem metarum erectionis dicte possessionis Zwthor alio nomine Barathy in dicto comitatu Iauriensi existentis prefatus Thomas filius Stephani dicti Nemes et Petrus filius Barnabe de eadem Zwthor prefatum dominum Iohannem archiepiscopum Strigoniensem, necnon Anthonium prepositum et conventum de Chorna contra se traxissent in causam ipsaque causa primo inter prefatos Thomam et Petrum actores ab una ac annotatos dominum Iohannem archiepiscopum, necnon prepositum et conventum de Chorna ab altera, post hoc quoque ipso domino Iohanne archiepiscopo de medio sublato inter ipsos actores dictosque prepositum et conventum et magistrum Stephanum, fratrem ipsius domini archiepiscopi coram comite Petro de Peren quibusdam litium processibus pertransitis diversi modo ventilata exstitisset, ubi prefatus Thomas personaliter pro se, pro 1

1 deducta] Utólag beszúrva a sor fölé. 1-2 ad octavas... ] 1422. okt. 6. 3-4 ad presentes octavas...] 1423. jan. 13. 10 replicabat] replicabant 26 prepositus] Utólag beszúrva a sor fölé. 28 secundo die... ] 1422. jún. 13. 29-30 duodecimo die... ] 1422. júl. 12.

36 traxissent] traxisset