Dreska Gábor: A pannonhalmi konvent hiteleshelyi működésének oklevéltára II. (1399-1438) - A Győri Egyházmegye Levéltár kiadványai. Források, feldolgozások 8. (Győr, 2008)

Oklevelek

5

10

15

20

25

30

35

1431

Oklevelek

249

511.

1431. szeptember 6. A pannonhalmi konvent jelenti Zsigmondi királynak, hogy Ácsi Nagy László allovászmester panaszát Újteleki Péter fia Vida és társainak Lél birtokon elkövetett hatalmaskodásáról igaznak tudta meg.

Papír, hátán zárópecsét foltja. DL 59168 (Forgách cs. lt. 822.) — Külzet: Domino regi. Pro Ladislao Magno de Alch agazonum regalium vicemagistro inquisicionis reláció.

Serenissimo principi, domino Sigismundo Dei gratia Romanorum regi semper augusto ac Hungarie, Bohemie, Dalmacie, Croacie etc. regi, domino ipsorum gracioso conventus monasterii Sancti Martini Sacrimontis Panonie orationes in Domino debitas ac devotas cum perpetua fidelitate. Vestra noverit excellentia nos litteras vestras inquisitorias sumpma cum obediencia et reverencia recepisse in hec verba:

Sigismundus Dei gracia Romanorum rex semper augustus ac Hungarie, Bohemie, Dalmacie, Croacie etc. rex fidelibus nostris, conventui ecclesie Sancti Martini Sacrimontis Panonie salutem et gráciám. Dicit nobis Ladislaus Magnus de Alch agazonum nostrorum vicemagister, quomodo Vyda filius Petri de Vytelek ac Emericus de eadem, necnon alter Emericus de Aranyas, Thomas filius Georgii de Wrke et Clemens filius eiusdem Thome in festo Assumptionis Virginis gloriose noviter elapso manibus armatis et potenciariis ad domum suam, in portione sua possessionaria, in possessione Leel habita existentem veniendo eundem interimere voluissent, si se defendere nequivisset in preiudicium suum valde magnum. Super quo fidelitati vestre firmiter precipiendo mandamus, quatenus vestrum mittatis hominem pro testimonio fidedignum, quo presente Laurencius filius Georgii de Olcha vel Mychael filius Marci de Markhaza aut Iohannes filius Mauricii de Gelet sive Valentinus de Ewrs sew Egidius de Babna neve Iohannes filius Bartholomei de eadem an Sebastianus de Chep aliis absentibus homo noster ab omnibus, quibus incumbit, meram de premissis experiatur veritatem, quam tandem nobis fideliter rescribatis. Datum Bude, in festo Decollacionis Beati Iohannis Baptiste, anno Domini M° CCCCm0 XXX° primo.

Unde nos mandatis vestre excellencie in omnibus obedire cupientes, ut tenemur, una cum prefato Iohanne filio Bartholomei de Babna homine vestro nostrum hominem, videlicet religiosum virum, fratrem Petrum presbiterum, unum ex nobis ad premissa peragenda nostro pro testimonio transmisimus fidedignum, qui demum ad nos reversi nobis concorditer retulerunt, quod ipsi secundo die festi Beati Egidii abbatis proxime preteriti ab omnibus, quibus decens et opportunum fuisset, nobilibus videlicet et ignobilibus ac ab aliis alterius cuiusvis status et condicionis comitatus Komaroniensis hominibus diligenter inquirendo omnia premissa sic facta fuisse rescivissent, prout vestre dictum extitisset maiestati et tenor litterarum vestrarum per omnia continet prescriptarum. Datum quinto die inquisicionis antedicte, anno Domini supradicto.

17-18 in festo... ] 1431. aug. 15. 27-28 in festo... ] 1431. aug. 29. 33-34 secundo die... ]

1431. szept. 2. 38-39 quinto die... ] 1431. szept. 6.

1