Dreska Gábor: A pannonhalmi konvent hiteleshelyi működésének oklevéltára II. (1399-1438) - A Győri Egyházmegye Levéltár kiadványai. Források, feldolgozások 8. (Győr, 2008)
Oklevelek
5 10 15 20 25 30 238 Oklevelek 1430 502. 1430. július 26. — A pannonhalmi konvent előtt a csornai és a turóci prépostok képviselői a prépostoknak az országbíró előtt viselt perét közös megegyezéssel elhalasztották. Papír, hátára nyomott pecsét töredéke. Csornai konv. mit. 40 III 5/15 (Sopron 5394) (DF 265005). Nos conventus monasterii Santi Martini Sacrimontis Panonie memorie commendamus, quod religiosus vir, frater Dominicus frater conventualis ecclesie de Chorna pro religioso viro, domino fratre Anthonio preposito ecclesie de eadem Chorna et conventu loci eiusdem cum procuratoriis litteris eiusdem conventus ab una, parte vero ab alia frater Michael similiter frater conventualis ecclesie de Thuruch pro domino fratre Stephano preposito et conventu eiusdem ecclesie de Thuruch conformiter cum procuratoriis litteris eiusdem loci coram nobis constituti per eosdem auctoritate procuratoria confessum extitit nostri in presencia in hunc modum, quod ipsi causam, quam prefati prepositus et conventus de Chorna contra eosdem prepositum et conventum de Thuruch serie litterarum magnifici viri, comitis Mathius de Paloch iudicis curie domini nostri regis Sigismundi prorogatoriarum super factis in quibusdam aliis litteris nostris1 ammonitoriis et evocatoriis contentis et expressis, in presentibus octavis festi Beati Iacobi apostoli in curia regia in presencia eiusdem comitis Mathius movere haberent, de parcium voluntate statu in eodem absque omni gravamine et variacione aliquali ad octavas festi Beati Michaelis archangeli nunc venturas similiter in presenciam dicti comitis Mathius distulissent et prorogassent, ymmo supradicti fratres Dominicus et Michael nominibus procuratoriis (et) in personis, quibus supra, distulerunt et prorogarunt coram nobis eo modo, ut quidquid octo probi et nobiles viri per partes equali numero eligendi super premissis acquisicionibus annotatorum prepositi et conventus de Chorna auditis proposicionibus et allegacionibus eorundem visisque et examinatis litteralibus documentis vigesimo die predicti festi Beati Michaelis archangeli nunc affuturo in possessione Nagbaraty coram nostro testimonio arbitrative disponerent, id ambe partes tenerentur acceptare, ad quod partes predictas memorati fratres Dominicus et Michael nominibus procuratoriis obligarunt coram nobis vigore presencium mediante. Datum feria quarta proxima post festum Beati Iacobi apostoli supradicti, anno Domini M° quadringentesimo tricesimo. 1 A konvent 1430. április 9-én kiadott jelentését lásd a 496. szám alatt. 19 in presentibus octavis... ] 1430. aug. 1. 21-22 ad octavas... ] 1430. okt. 6. 28 vigesimo die... ] 1430. okt. 18. 32-33 feria quarta... ] 1430. júl. 26.
