Dreska Gábor: A pannonhalmi konvent hiteleshelyi működésének oklevéltára II. (1399-1438) - A Győri Egyházmegye Levéltár kiadványai. Források, feldolgozások 8. (Győr, 2008)
Oklevelek
5 10 15 20 25 30 35 40 1427 Oklevelek 203 meritis fidelis nostri Ieronimi alias Kolos de Nema, per ipsum maiestati nostre locis debitis et temporibus oportunis exhibitis et inpensis omne et totum ius nostrum regium, quod in prediis Nemalewrynzylese et Kwesgyolch vocatis, in comitatu Komaroniensi nunc erga manus quorundam nobilium, uti iurium nostrorum regalium celatorum sub taciturnitatis silencio, ut asseritur, habitis et existentibus haberentur nostramque quibuscunque modis, causis et racionibus ac qualitercunque concerneret maiestatem, simul cum cunctis eiusdem iuris nostri regii utilitatibus et pertinendis eidem Ieronimo alias Kolos et per eum Ladislao filio suo ipsorumque heredibus et posteritatibus universis vigore aliarum litterarum nostrarum donacionalium, superinde confectarum in perpetuum conferendum duxerimus velimusque eosdem in dominium ipsius per nostrum et vestrum homines legittime facere introduci. Igitur fidelitati vestre firmiter precipiendo mandamus, quatenus vestrum mittatis hominem pro testimonio fidedignum, quo presente Gregorius de Ronka vel Ladislaus de Werstw aut Michael Choka sive Marcus seu Iacobus de Werstw, Andreas ceu Iohannes filius Ywachon de Ekly aliis absentibus homo noster ad facies predictorum prediorum Nemalewrinzylese et Kwesgyolch vocatarum vicinis et commetaneis ipsorum universis inibi legittime convocatis et presentibus accedendo introducat prefatos Ieronimum alias Kolos et Ladislaum filium suum in dominium eiusdem dicti iuris nostri regii statuatque idem ipsis premisso nostre donacionis titulo perpetuo possidendum, si non fuerit contradictum, contradictores vero, si qui fuerint, evocet ipsos contra prefatos Ieronimum alias Kolos et Ladislaum filium eiusdem nostram in presenciam ad terminum competentem racionem contradictionis eorum reddituros. Et post hec huiusmodi introductionis et statucionis seriem cum nominibus contradictorum et evocatorum, si qui fuerint, terminoque assignato nobis fideliter rescribatis. Datum in civitate nostra Lippva vocata, in festo Beati Brictii episcopi et confessoris, anno Domini M° CCCC° vigesimo sexto. Nos igitur mandatis vestre serenitatis in omnibus obedire cupientes, ut tenemur, una cum prefato Ladislao de Werstw homine vestro nostrum hominem, videlicet religiosum virum, fratrem Benedictum sacerdotem, unum ex nobis ad premissa peragenda pro testimonio transmisimus fidedignum, qui tandem exinde ad nos regressi nobis uniformiter retulerunt, quomodo ipsi in festo Beati Nicolai episcopi et confessoris proxime preterito ad facies predictorum prediorum Nemalwrynzylese et Kwesgyolch vocatarum vicinis et commetaneis earundem universis inibi legittime convocatis et presentibus accedendo introduxissent prefatos Ieronimum alias Kolos et Ladislaum filium eius in dominium dicti iuris vestri regii statuissentque idem ipsis premisso vestre donacionis titulo perpetuo possidendum nullo penitus tunc temporis inibi contradictore apparente, nichilominus dictis vestro et nostro hominibus legitimis diebus in faciebus dictorum prediorum commorantibus, semper salvo iure alieno. In cuius rei memoriam firmitatemque perpetuam presentes litteras privilegiales nostri autentici et pendentis sigilli munimine roboratas predictis Ieronimo et Ladislao duximus concedendas. Datum sedecimo die introductionis et statucionis antedictarum, anno Domini supradicto, videlicet M° CCCC° XX sexto. 25-26 in festo... ] 1426. nov. 13. 31-32 in festo... ] 1426. dec. 6. 41-43 sedecimo die... ] 1426. dec. 21. I i
