Dreska Gábor: A pannonhalmi konvent hiteleshelyi működésének oklevéltára I. (1244-1398) - A Győri Egyházmegye Levéltár kiadványai. Források, feldolgozások 6. (Győr, 2007)

Oklevelek

5

10

15

20

25

30

35

40

1359

Oklevelek

91

Serenissimo principi, domino Lodovico Dei gracia inclito regi Hungarie, domino ipsorum conventus monasterii Sancti Martini de Sacro Monte Pannonie oraciones in Domino Iesu. Litteras vestras inquisitorias anuleo sigillo vestro consignatas pro civibus et hospitibus vestris de Posonio honore, quo decuit, noveritis nos recepisse hunc tenorem continentes:

Lodovicus Dei gracia rex Hungarie fidelibus suis, conventui ecclesie Sancti Martini de Sacro Monte Pannonie salutem et gráciám. Dicitur nobis in personis universorum civium et hospitum nostrorum de Posonio, quod licet magister Petrus filius Abre de Scengyurgh pridem contra eosdem talem inquisicionem fieri procuraverit, quod quedam terre particula, quam ipsi hospites de Posonio nomine iuris ipsorum ab ipso magistro Petro ordine iudiciario requirerent, semper et ab antiquo ad possessiones suas Zeky et Iwany vocatas pertinens fuisset et de iure deberet pertinere, tamen eadem terre particula nunquam ad prefatas possessiones ipsius magistri Petri Zeky et Iuany vocatas pertinuisset, nec nunc deberet pertinere, sed quod eadem particula terre Zeuleus nominaretur et omni iuris tramite ad predictos cives et hospites de Posonio ab antiquo pertinuisset, sed eandem novissimis temporibus prefatus magister Petrus occupasset fructibusque et utilitatibus eisdem uteretur in preiudicium civitatis nostre prenotate. Super quo fidelitati vestre firmiter precipiendo mandamus, quatenus vestrum mittatis hominem pro testimonio fidedignum, quo presente Iohannes dictus Konch de Zop vel Paulus dictus Chuna de Ogya aut Stephanus filius Salamonis aliis absentibus homo noster ab omnibus, quibus decuerit, sciat et inquirat de premissis omnimodam veritatem, et post hec, prout vobis veritas constiterit premissorum, nobis fideliter rescribatis. Datum in Vyssegrad, in festo Beati Thome apostoli, anno Domini Mm0 CCCm0 quinquagesimo octavo.

Nos igitur preceptis vestre excellende in omnibus, ut tenemur, obedientes una cum predicto Stephano filio Salamonis homine vestro magistrum Stephanum ecclesie nostre notarium ad premissa mandata vestra fideliter prosequenda hominem nostrum pro testimonio duximus transmittendum, qui demum ad nos reversi concorditer nobis retulerunt, quod ipsi feria quinta proxima post octavas Sancti Stephani prothomartiris proxime preteritas et aliis diebus consequentibus pro infrascripta inquisicione sufficientibus in maiori comitatu Posonyensi procedendo a nobilibus et ignobilibus ac ab aliis cuiusvis status et condicionis hominibus palam et oculte, specialiter a dominis et canonicis de capitulo Posonyensi, vicinis et commetaneis predicte terre, a quibus decens et conveniens fuisset, diligenter inquirentes talem de premissis scire potuissent veritatem, quod licet magister Petrus filius Abre de Sancto Georgio pridem contra cives Posonyenses talem inquisicionem pro se facere procuraverit, quod quedam terra, quam iidem hospites de Posonio nomine iuris ipsorum ab ipso magistro Petro ordine iudiciario requirerent, semper et ab antiquo ad possessiones suas Zeky et Iuan vocatas pertinens fuisset, de iure ad predictos cives et hospites de Posonio iuxta formam privilegialium eorundem pertinens fuisset et nunc deberet pertinere, predictus vero magister Petrus de eadem terra novissimis in temporibus minus iuste occupando usus fuisset et adhuc

8 universorum] Utólag beszúrva a sor fölé. 24-25 in festo... ] 1358. dec. 21. 30-31 feria

quinta... ] 1359. jan. 3.