Dreska Gábor: A pannonhalmi konvent hiteleshelyi működésének oklevéltára I. (1244-1398) - A Győri Egyházmegye Levéltár kiadványai. Források, feldolgozások 6. (Győr, 2007)
Oklevelek
5 10 15 20 25 30 35 40 45 272 Oklevelek 1382 predicto Michaele filio Tyba procuratore dictarum dominarum sanctimonialium monasterii Beate Virginis super eo, quod predicte mete et signa metalia pridem et per predictum procuratorem ipsarum in causam attractarum ostense et demonstrata vere mete et certa signa metalia predicte possessionis seu terre earundem in causam attractarum Kemeche appellate sint et existant terraque inter ipsas partes litigiosa ad duo iugera estimata semper et ab antiquo ad dictam possessionem seu terram earum Kemeche pertinuerit et nunc pertinere debeat nunquamque eadem ad terram seu possessionem ipsarum dominarum sanctimonialium monasterii Beate Virginis pertinens fuerit, nec nunc debeat attinere, supradicto nostro testimonio pro ipsis dominabus in causam attractis deputato seriem huiusmodi iuramenti ipsi domine priorisse de verbo ad verbum paulatim et seriatim recitante sacramentum prestitisset, parata eciam, si necesse fuisset, iurare pro aliis particulis terrarum dicti claustri Beate Katherine, in quarum similiter dominio ipsum claustrum Sancte Katherine ab antiquo, ut dicitur, extitisset et nunc existeret et quas terrarum particulas prescripte domine actrices mediante quadam metarum reambulacione, que reambulacio tangitur circa principium dictarum litterarum adiudicatoriarum, ad terras prefati monasterii Beate Virginis, ut eedem domine in causam attracte et earum procurator prescriptus ibidem fuissent protestati, voluissent applicare. Hiis itaque peractis prefati regii et nostri homines ipsam terram litigiosam ad duo iugera terrarum premissis signis metalibus per predictum procuratorem ipsarum dominarum in causam attractarum apparenter modo infrascripto elevatis ad dictam possessionem Kemeche ipsarum sanctimonialium claustri Beate Katherine virginis adiunxissent contradictione ipsarum parcium et aliorum quorumlibet obviare non valente. Cuius quidem terre prius litigiose mete taliter essent per eosdem regios et nostros homines elevate et renovate, quod primo iuxta magnam viam, que tendit de Vesprimio ad villam Chatar, in quadam via erbosa, per quam itur ad molendinum dictarum dominarum sanctimonialium claustri Sancte Katherine, duas metas terreas de novo erexissent, quarum una a parte occidentali dictis dominabus sanctimonialibus claustri Sancte Katherine et alia a parte orientali memoratis dominabus sanctimonialibus monasterii Beate Virginis separarent. Abhinc paulisper versus meridiem inter terras arabiles pergendo pervenissent ad unam metam terream, quam apparenter renovassent, deinde versus eandem partem tendendo ad iactum unius lapidis vel non multo plus sub quadam magna arbore piri unam antiquam metam terream reperientes renovassent, deinde similiter versus meridiem progrediendo pervenissent ad unam metam terream parvo tumore apparentem circa fluvium Saar nuncupatum, qui fluvius de dicta Kemeche curreret in Vesprimium, quam metam evidenti et alciori acervacione renovassent. Nam eadem meta a parte occidentali dictis dominabus sanctimonialibus claustri Sancte Katherine distingueret, iuxta eandem autem metam aliam metam terream a parte orientali dictis dominabus sanctimonialibus monasterii Beate Virginis distinguentem de novo erexissent. Abhinc transeundo ipsum fluvium, ubi tamen communis transitus seu portus non esset, directe versus eandem partem meridionalem in opposito ipsarum duarum metarum ad aciem cuiusdam magni montis lapidei pervenissent, que acies montis lapidei similiter a parte occidentali dictis dominabus sanctimonialibus claustri Beate Katherine, a parte vero orientali eis
