Dreska Gábor: A pannonhalmi konvent hiteleshelyi működésének oklevéltára I. (1244-1398) - A Győri Egyházmegye Levéltár kiadványai. Források, feldolgozások 6. (Győr, 2007)
Oklevelek
5 10 15 20 25 30 35 1360 Oklevelek 107 100. 1360. március 27. — A pannonhalmi konvent Noszlopi Simon fia János, a bakonybéli apát ügyvédjének balesetéről és III. István király oklevele pecsétjének megsérüléséről jelentést tesz I. Lajos királynak. Papír, hátán zárópecsét töredéke. PBFL, Capsa 55 X (475) (DF 207267) — Kiadása: PRT VIII. 339-340. (77) — Külzet: Domino regi. Pro religioso viro, domino Petro abbate monasterii de Beel super facto periclitacionis sigilli intradeclarati inquisitoria. Serenissimo principi, Lodovico Dei gracia inclito regi Hungarie, domino ipsorum conventus m[onasterii] Sancti Martini de Sacro Monte Pannonie oraciones in Filio Virginis continuas et devotas. Litteras vestre serenitatis pro religioso viro, domino [fratre] Petro abbate monasterii de Beel et suo conventu ad inquisiciones inter alios consuetudinarios regni vestri actus legitime faciendas per anni circulum graciose concessas congruo recepimus cum honore, iuxta quarum continendam una cum Michaele filio Pauli de Mendzenth homine maiestatis vestre ad inquirendum fideliter de infrascriptis hominem nostrum, fratrem Wernherum sacerdotem ex nobis unum pro testimonio destinavimus fidedignum, qui demum ad nos reversi nobis uniformiter retulerunt, quod feria quarta proxima post dominicam Iudica in villa Hothalm vocata et aliis villis circumadiacentibus Wesprimiensis et Iauriensis comitatuum procedendo a nobilibus et ignobilibus ac ab aliis cuiusvis status et condicionis hominibus, a quibus decuisset inquiri, palam et occulte, conscienciose et diligenter inquirendo talem investigassent et scivissent omnimodam veritatem, quod cum Iohannes filius Symonis de Nostup famulus et procurator supradicti domini Petri abbatis de Beel per eundem dominum suum ad causas ipsius et ecclesie sue in termino octavarum diei Cinerum ventilandas et agendas versus curiam regiam destinatus feria quarta proxima post dominicam Letare nunc preterita iter agens predicte ville Hothalm appropinquasset, equus sub ipso habitus casualiter cespitando gravissime corruisset, per cuius ruinam idem Iohannes non modice lesus et quedam pixis lignea plena litteralibus instrumentis et privilegiis monasterii antedicti ad latus ipsius habita frustatim comminuta et disrupta fuissent, inter que sigillum privilegii inclite recordacionis domini Stephani regis, Geyse regis filii metas et ordinem serviciorum possessionis dicti monasterii Ganna nomine inter alia exprimentis contritum et disruptum ac tam in ymagine, quam in superscriptione seu circumferencia sui adeo elisum et destructum fuisset et existeret, ut vix legi valeat aut cognosci. Quod eciam factum propter uberiorem rei cautelam dictus Iohannes illico in instanti plebano et populis de dicta villa Hothalm et aliis, quibus expedisset, publicasset et iam dictum privilegium cum suo sigillo, sicut perfertur, contrito et discisso eorum oculis demonstrasset. Datum tertio die inquisicionis predicte, anno Domini M° CCCmo LXmo. Hátán: Pro Ganna. 17 feria quarta... ] 1360. márc. 25. 24 in termino... ] 1360. febr. 26. 25 feria quarta... ] 1360. márc. 18. 26 equus] equs 37-38 tercio die... ] 1360. márc. 27.
