Neumann Tibor: A Korlátköviek. Egy előkelő család története és politikai szereplése a 15-16. században - A Győri Egyházmegye Levéltár kiadványai. Források, feldolgozások 5. (Győr, 2007)
Oklevélfüggelék
182 Függelék 12. 1498. március 9. Buda. Ulászló király tekintettel Bucsányi és Korlátkői Osvát komáromi ispán, tatai és komáromi várnagy szolgálataira, Korlátkő várát és Nyitra, Pozsony, Komárom és Fejér megyében fekvő birtokokat adományoz neki újadomány címén. Hártyán, szöveg alatt felzetes pecséttel, szöveg felett jobbra: „Commissio propria domini regis”. DL 105065. (Batthyány-Apponyi It. 215.) Nos, Wladislaus Dei gracia rex Hungarie et Bohemie etc. memorie commendamus tenore presencium significantes, quibus expedit, universis, quod nos attentis et consideratis fidelitate et fidelium serviciorum meritis fidelis nostri egregii Osvaldi de Bwchan et de Korlathkew comitis comitatus Komaroniensis ac castellani castrorum nostrorum Komaron et Thatha, filii scilicet condam Osvaldi Bani de eadem Bwchan et de Korlathkew per eum primum sacre huius regni nostri Hungarie corone deindeque maiestati nostre sub locorum et temporum varietate cum summa fidei et fidelitatis constancia exhibitis et impensis castrum Korlathkew predictum ac possessiones Zenthgewrgh alio nomine Swanczardorffh, Iabloncza et Karkocz simul cum tributis sew theloneis in eisdem possessionibus exigi solitis, Rawenczka et Zela, necnon tres partes possessionis Kowarcz cum tribus partibus thelonei in eadem exigi consueti, item predia Lezko aliter Podtrady, Zwrowyn, Hlosek et Roppo appellata in Nitriensi ac similiter possessiones Nadas et Czyfer modo simili cum tributo sew thelonio in ipsa Czyfer exigi consueto, necnon predia Kyspathy alio nomine FVnthapathy et Kyslyncz vocata in Posoniensi, preterea possessiones Zaak et Bana consimiliter cum theloneo in eadem Bana exigi solito et medietatem possessionis Naghmak ac similiter medietates prediorum Arpadfewlde et Iwankatheleke in Komaroniensi predicto, item possessionem Aposthol aliter Soos vocatam in Albensi comitatibus existencia, in quorum pacifico dominio idem Osvaldus progenitores suos ab antiquo perstitisse, se quoque persistere asserit eciam de presenti, item totum et omne ius nostrum regium, si quod in dictis castro, possessionibus et prediis qualitercunque haberemus aut nostram ex quibuscunque causis, viis, modis et racionibus concernerent maiestatem, simul cum cunctis ipsius et eorundem utilitatibus et pertinenciis quibuslibet, terris utputa arabilibus cultis et incultis, agris, pratis, pascuis, campis, fenetis, silvis, nemoribus, montibus, vallibus, vineis vinearumque promontoriis, aquis, fluviis, piscinis, piscaturis aquarumque decursibus, molendinis et eorundem locis, generaliter vero quarumlibet utilitatum et pertinenciarum suarum integritatibus quovis nominis vocabulo vocitatis sub suis veris et antiquis metis existentibus premissis sic, ut prefertur, stantibus et se habentibus memorato Osvaldo de Korlathkew suisque heredibus et posteritatibus universis nove nostre donacionis titulo dedimus, donavimus et contulimus, ymmo damus, donamus et conferimus iure perpetuo et irrevocabiliter tenenda, possidenda pariter et habenda salvo iure alieno, harum nostrarum vigore et testimonio litterarum mediante, quas in formam nostri privilegii redigi faciemus, dum nobis in specie fuerint reportate. Datum Bude, feria sexta proxima ante dominicam Reminiscere, anno Domini millesimo quadringentesimo nonagesimo octavo, regnorum nostrorum Hungarie etc. anno octavo, Bohemie vero vigesimo octavo.
