Novák Ádám (szerk.): Fontes Memoriae Hungariae IV. Varsóban őrzött magyar vonatkozású oklevelek, 1490–1521 (Debrecen, 2022)
Oklevélszövegek
210 Christophori de Szidlowicz succamerarii Cracoviensis et Siradiensis capitanei, sincere nobis dilectorum, cum pleno mandato, a nobis et toto senatu regni nostri ad ipsum serenissimum Wladislaum regem, et suae maiestatis regni Hungariae gravissimum et sapientissimum senatum missorum, divina nobis ad id gratia suffragante, ex cuius nutu reges et regna pendere universa perhibentur, sub conditionibus infrascriptis confecimus. Inprimis itaque conclusum est, quod nos cum praefato serenissimo domino Wladislao rege Hungariae fratre nostro carissimo, quemadmodum antea semper, ita etiam deinceps in mutua, et fraterna charitate, atque intelligentia, et sempiterno amore vivamus, et similiter inter regna, ac dominia nostra, praesertim Hungariae et Poloniae, ac magni ducatus Litvaniae sit et habeatur foedus, pax, et tranquillitas perpetua, bonaque et perfecta securitas, et quod nos contra quemlibet hostem; cuiuscunq status, dignitatis, conditionis et praeeminentiae, paganum, schismaticum, et christianum, nullo excepto, seu excluso, Hungariae et Poloniae regna, principatus, terras, dominiaque nostra, quae nunc divina favente clementia uterque nostrum possidet, et possessurus est, ac quae ad nos, regnaque nostra nunc pertinent, et in futurum pertinebunt, invadentem, invadereque volentem, iuxta conditiones infrascriptas nos et regna nostra adiuvabimus, et auxilia invicem faciemus, demptis tamen et reservatis omnibus confederatis, et cum quibus pacem pronunc habemus, quousque videlicet iidem in huiusmodi pace et confederatione nobiscum permanebunt. Item quod quotiescunque dabitur opportunitas, et nos concordi ac unanimi voluntate, assistente auxilio divino contra Turcos, aut alter nostrum seorsum contra Turcos vel Tartaros generalem aliquam expeditionem facere voluerimus, seu voluerit, istud semper fiat cum consilio, et imploratione auxilii a Sede Apostolica, atque ceteris principibus christianis, ita quod tale subsidium dum petendum erit, tunc per communes oratores petatur, ut omnia inter nos unanimi voluntate agi et tractari videantur. Item quia ex parte Moldaviae, ac Waywodarum eiusdem, variae huiusque, et quidem periculose interdum differentiae inter serenissimos praedecessores nostros reges Hungariae, ac Poloniae extitere, postquam igitur nos duo germani fratres, iisdem parentibus editi habenas inpraesentiarum eorundem regnorum moderamur, utpote nos Sigismundus patrio et avito Poloniae, pariter et Litvaniae, ipse vero serenissimus princeps, et dominus, dominus Wladislaus Hungariae, et Bohemiae regnis praesumus, et feliciter gubernamus, idque non absque divina dispositione factum esse credimus, quo omnis occasio futurae alicuius alienationis animorum, seu discordiae inter nos, et regna nostra vel etiam impedimenti, quod hanc sanctam expeditionem, quam contra Turcos, ac alios infideles, et crucis dominicae hostes opitulante ipso Deo facere intendimus, impedire posset, e medio tollatur quoque haec nostra, et regnorum nostrorum coniunctio,
