Novák Ádám (szerk.): Fontes Memoriae Hungariae IV. Varsóban őrzött magyar vonatkozású oklevelek, 1490–1521 (Debrecen, 2022)
Oklevélszövegek
236 97. 1521. január 18. Buda. II. Lajos magyar király levele Frigyes liegnitzi herceg, Brandenburgi György őrgróf, valamint Ákosházi Sárkány Ambrus zalai ispán és királyi tanácsos, számára, melyben megbízást kapnak, hogy Zsigmond lengyel király és Brandenburgi Albert, a Német Lovagrend nagymestere között egyengessék el a viszályt és teremtsenek békét. Nos Ludovicus Dei gracia rex Hungarie et Bohemie etc. Memorie commendamus tenore presencium significantes, quibus expedit universis, quod nos fide, industria ac prudencia fidelium nostrorum illustrium Friderici ducis Lignicensis, inferioris Slesie capitanei, Georgii marchionis Brandenburgensis, affinium nostrorum necnon magnifici Ambrosii Sarkan de Akoshaza liberi domini de Onnod comitis Zaladiensis, oratorum et consiliariorum nostrorum ad plenum confisi dedimus eis plenum mandatum ac omnimodam facultatem damusque per presentes serenissimum Sigismundum regem Polonie patruum nostrum charissimum ac reverendum illustremque principem dominum Albertum supremum in Prussia ordinis Teutonici magistrum, marchionem Brandenburgensem, consanguineum nostrum nostro nomine, coniunctim vel divisim, adeundi et conveniendi omnemque inter eosdem regem et magistrum discordiarum et bellorum materiam, originem et causam ac progressum investigandi, sciscitandi et inquirendi omnique studio, diligentia et opera inter eosdem principes de concordia agendi et tractandi ac pacem firmissimis quibusque vinculis, voluntate et consensu prefatorum serenissimi regis Polonie et magistri Prussie ad hoc accedendi, componendi et confirmandi, sive si ita res postularet, inducias ponendi et conficiendi, ceterum obligandi nos et pro nobis promittendi de ferendo auxilio illi parti et eam omnibus viribus iuvandi, que pacem vel inducias, quecumque inter predictos principes composite fuerint vel quas ipsimet ultro amplectentur, observabit, contra partem alteram, que huiusmodi pacem vel inducias quocunque modo violaverit, aliaque omnia et singula quecunque circa premissa vel necessaria vel oportuna videbuntur, dicendi, faciendi et transigendi, definiendi et concludendi perinde ac si nosipsi eadem omnia si adessemus, dicere, facere, transigere, desinere ac concludere possumus aut deberemus, etiam si quid eiusmodi foret, quod mandatum exigeret magis speciale. Ea vero omnia, que per dictos oratores nostros simul aut separatim in negotiis premissis de voluntate atque consenssu prefatorum regis Polonie ac magistri Prussie acta, gesta, transacta, definita et conclusa confirmataque nostro nomine fuerint, rata et firma nos habituros in verbo nostro regio spondemus et promittimus harum nostrarum vigore et testimonio litterarum mediante. Datum Bude in festo beate prisce Virginis anno Domini millesimo vigesimo primo.
