Novák Ádám (szerk.): Fontes Memoriae Hungariae IV. Varsóban őrzött magyar vonatkozású oklevelek, 1490–1521 (Debrecen, 2022)
Oklevélszövegek
233 96. 1515. július 22. Bécs. Közjegyzők átírják Habsburg Miksa német-római császár és II. Ulászló cseh és magyar király szerződését, melyben Ulászló lányát, Annát Miksa fiának, Ferdinándnak ígérik felségül. Az oklevél megerősítőinek felsorolása után három közjegyzői záradékkal. In nomine Domini Amen. Notum sit et cunctis pateat evidenter. Quod anno a nativitate Domini millesimo quingentisimo quintodecimo indictione tertia, die vero vigesima secunda mensis julii, pontificatus sanctissimi in Christo patris, et domini nostri, domini Leonis divina providentia papae decimi anno tertio, sacratissimus. et invictissimus princeps, et dominus, dominus Maximilianus Romanorum imperator etc. et serenissima domina, domina Anna filia serenissimi principis, et domini, domini Wladislai Hungariae, et Bohemiae regis, principales principaliter pro se ipsis in illustrissimorum principum, et reverendorum in Christo patrum, ac generosorum, et magnificorum dominorum testium, ac notariorum nostrorum infrascriptorum pro evidentis fidei testimonio ad hoc specialiter vocatorum, et rogatorum praesentia personaliter constituti. Quondam protestationem facientes ac facere volentes illam facto et inscriptis nobis notariis infrascriptis, tunc publice alta et intelligibili voce, latino sermone perlegendam porrigi fecerunt, quam ego Nicolaus Rybeysen notarius infrascriptus ex speciali mandato, et commissione eorundem sacratissimi imperatoris et serenissimae dominae Annae palam, et publice perlegi in hanc sententiam. Quod licet ipsi sacratissimus dominus imperator et serenissima domina Anna nunc inter se facere contractum matrimonialem per verba de praesenti intendant, idemque sacratissimus dominus imperator nullam aliam ducere promittit, tamen ambarum maiestatis et serenitatis suarum voluntas et animus sit atque illud hic coram nobis notariis infrascriptis solemni protestatione cavisse velint. Quod si illustrissimus princeps et dominus dominus Ferdinandus archidux Austriae, aut eius fratres serenissimus princeps, et dominus, dominus Carolus archidux Austriae, dux Burgundiae et Hispaniarum princeps, dummodo a contractu et obligatione alias inter eum, et serenissimam dominam Renatam Franciae liber, immunis, et absolutus fieret. Eandem serenissimam dominam Annam infra spatium unius anni proxime futuri legitimam uxorem ducere vellet, et per verba de praesenti matrimonium cum serenitate sua contraheret atque sanctissimus dominus noster illud interveniente opportuna dispensatione admitteret et concederet, quemadmodum maiestas et serenitas suae de his omnibus spem amplam habeat, quod extunc prout exnunc et nunc prout extunc huiusmodi contractus inter iam dictos dominum Ferdinandum, aut serenissimum principem Carolum, et dictam serenissimam dominam Annam de bona atque expressa voluntate et consensu
