Novák Ádám (szerk.): Fontes Memoriae Hungariae III. Varsóban őrzött magyar vonatkozású oklevelek, 1439–1489. Közreadja: Novák Ádám, Tóth Orsolya és Tóth Péter (Debrecen, 2019)
Oklevélszövegek - 153
153 73. 1474. február 28. Korczyn. Kázmér lengyel király oklevele, mellyel a Mátyás magyar és Ulászló cseh király között létrejött hároméves fegyverszüneti egyezményt elfogadja, különös tekintettel a kölcsönös segíségnyújtási megállapodásra, amennyiben külső támadás érné a három királyság valamelyikét. Kazimirus Dei gratia rex Poloniae magnus dux Lythwaniae, Russiae, Prussiaeque dominus et heres etc. tenore praesentium notificamus quibus expedit universis. Quod nos posteaquam articulos et conclusiones perpetuae pacis inter inclita regna Poloniae et Hungariae, nos reges modernos et futuros omnesque principes et provinciales ad ipsas sacras coronas pertinentes, per praelatos et barones utriusque regni nuper in dieta per ipsos in locis consuetis celebrata approbavimus et acceptavimus, diligenter etiam inspeximus et bene examinavimus quosdam articulos in ipsa dieta inter ipsos praelatos et barones regni nostri Poloniae ex una et praelatos ac barones regni Hungariae partibus ex altera, pro treugis triennalibus inter serenissimos principes dominum scilicet Wladislaum Dei gratia Bohemiae regem natum nostrum carissimum ac dominum Mathiam eadem gratia Hungariae regem observandis in et super differentiis inter ipsos utrosque reges vertentibus occasione praedicti regni Bohemiae, necnon pro mutuo adiutorio nostro et praefatorum regum contra et adversus quoscunque perturbatores et invasores trium praedictorum regnorum, Hungariae scilicet Poloniae et Bohemiae, invicem praestando et exhibendo, confectos et conclusos. Quorum quidem articulorum tenor de verbo ad verbum sequitur et est talis... 73 Nos igitur Kazimirus rex praefatus considerantes praedictos et praeinsertos articulos et conclusiones plurimum conducere ad conservationem et pacificum statum ipsorum trium regnorum incolarum et provinciarum ad illa pertinentium, necnon ad utilitatem totius religionis Christiane permaximam, habita desuper matura deliberatione, de consensu et assensu praelatorum et baronum regni nostri Poloniae consiliariorum nostrorum, in praefatos articulos consensimus eosque laudavimus, approbavimus et acceptavimus, consentimus, laudamus, approbamus et acceptamus et de novo facimus ac concludimus per praesentes, promittentes in verbo nostro regio et fide nostra Christiana mediante, quod nos ipsos articulos et conclusiones sic ut praemittitur per praedictos praelatos et barones utriusque regni Poloniae et Hungariae factos et conclusos, in omnibus eorum capitulis, clausulis et punctis, quantum nos et regnum nostrum Poloniae concernunt, et praesertim quo ad mutuum auxilium praestandum contra eos, qui alterum regnorum, scilicet Poloniae et Hungariae aut etiam Bohemiae vel 73 Ld. a 71. sz. oklevél rendelkezéseit.
