Novák Ádám (szerk.): Fontes Memoriae Hungariae III. Varsóban őrzött magyar vonatkozású oklevelek, 1439–1489. Közreadja: Novák Ádám, Tóth Orsolya és Tóth Péter (Debrecen, 2019)
Oklevélszövegek - 108
108 56. 1439. május 3. Pozsony. Albert római és magyar király a III. Ulászlóval való fegy verszünet meghosszabbítása, vagy békeegyezség megkötése végett Benedek győri püspök, Holicsi Gáspár birodalmi és cseh királyi kancellár, Perényi János tárnokmester, Rozgonyi István pozsonyi ispán és szepesi kapitány, Hohenberg István és Pohárnok István zólyomi kapitány személyében teljhatalmú biztosokat küld ki. Albertus Dei gratia Romanorum rex semper augustus ac Hungariae, Bohemiae, Dalmatiae, Croatiae, etc. rex et dux Austriae, etc. notum facimus tenore praesentium universis. Cum pridem in diaeta Namslaviensi per reverendos in Christo patres Johannem Segniensem, sanctissimi domini nostri papae Eugenii et Alfonsum Burgensem episcopos, sacrae Basiliensis sinodi legatos pro continuatione pacis perpetuae inter nos ab una et illustrissimum ac praeclarum principes Wladislaum Poloniae regem et ducem Kazimirum, germanum suum indicta sit treuga et etiam diaeta conventionis celebranda super festo Ascensionis Domini nunc futuro per nos utrimque, aut oratores nostros pleno mandato fulcitos in locis inscriptionum antiquarum inter regna Hungariae et Poloniae habitarum, prout litterae praefatorum dominorum legatorum desuper confectae clarius attestantur. Idcirco eorum institutis obtemperantes huiusmodi diaetae satisfacturi, ad eandem transmittendos duximus et transmittimus reverendum patrem Benedictum electum Iauriensis ecclesiae, Gaspar de Holicz imperialem et regni Boemiae cancellarium terrarum Egrae et Cubiti capitaneum, Iohannem de Perin magistrum tavernicorum regalium, Steffanum de Rozgon comitem Pozoniensem et capitaneum terrae Scepusiensis, Steffanum de Hohenberg et Stephanum Poharnok capitaneum Zoliensem, consiliarios ambasiatores nuntios et fideles nostros dilectos, quibus omnibus et cuilibet eorum in solidum etiam plenarium mandatum auctoritatem et facultatem dedimus et concessimus, damus et concedimus per praesentes pro nobis et nostro ac regnorum nostrorum nomine in praefatis diaeta et loco cum dictis rege Poloniae fratreque suo Kazimiro seu ipsorum ambasiatoribus nuntiis et agentibus, pro eis pleno ad hoc mandato suffultis, conveniendi conferendi placitandi et de congruentibus mediis pacis perpetuae captandis pertractandi, et super cunctis illatis iniuriis et interesse componendi paciscendi transigendi ac modis honestis et licitis concordandi, pacemque et concordiam perpetuam inter nos et regna nostra Hungariae Bohemiae ceterasque terras nobis subditas ac praefatos regem et ducem regnum et terras eorum, ac etiam quascumque treugas seu sufferencias, prout viderint expedire, inter nos utrimque faciendi firmandi et concludendi, firmata condicta et conclusa promissionibus et stipulationibus sub verbo nostro regio et puritate fidei nostra parte roborandi, litterasque oportunas desuper confectas sive conficiendas tradendi, et viceversa ab alia parte consimiles promissiones stipulationes
