Novák Ádám (szerk.): Fontes Memoriae Hungariae II. Varsóban őrzött magyar vonatkozású oklevelek, 1388–1427. Közreadja: Novák Ádám és Tóth Péter (Debrecen, 2018)
Oklevélszövegek
81 praefati serenissimi domini regis Romanorum inter dictas partes prolatae parere non curaret cum effectu, a nobis dictus procurator literas recognitionis nostrae, rei sive facti veritatem in se hujusmodi continentes, tanquam ab executore dictae arbitralis sententiae, et ad hoc specialiter deputato sibi fieri postulavit. Nosque Benedictus praefatus veritatem hujusmodi rei ex acti[...] et gestis coram nobis et quae in dictis terris hujusmodi executionis praefatae arbitralis sententiae agentes negotia rei experientia comperimus, et justitia in hoc cunctis elucescat fidei christianae cultoribus, vobis omnibus supradictis illustrissimis dominis regibus, principibus, patriarchis, primatibus, archiepiscopis, episcopis, ducibus, marchionibus, burgraviis, comitibus, capitaneis, civitatum rectoribus, communitatibus, militibus et clientibus, ac omnibus et singulis praelatis, et aliis personis tam ecclesiasticis, quam saecularibus declarare cupientes praesentibus recognoscimus publice profitentes, quod praefatus serenissimus princeps dominus rex Poloniae etc. tanquam rex catholicus, ac verus cultor fidei orthodoxae una cum fratre suo praefato domino Alexandro alias Vitoudo magno duce Lithvaniae cum christianis disturbia litium declinantes, et ut in effectu apparuit gverras cum praefato ordine evitare volentes, ad requisitionem nostram sententiae, ac deffinitioni arbitrali praefati domini regis Romanorum arbitri praelibati per nos executae sufficienter paruerunt in omnibus suis punctis et clausulis, et nunc parent realiter cum effectu. Quodque magister et ordo praefati de justitia non contenti, per subterfugia recusationis fraude volentes sententiam praefati domini judicis et arbitri, ac mandatum regiae majestatis eludere domini regis Romanorum antedicti, a veroque tramite justitiae declinantes, dictae arbitrali sententiae parere non curarunt, neque curant usque modo, poenas appositas et adjectas in eadem sententia minime formidantes, cujus quidem recognitionis nostrae hujusmodi nostras praesentes literas subscriptionibus tabellionum ad hoc requisitorum, et testium annotationibus rogatorum infra scriptorum, sigillique nostri munimine fecimus roborari ad evidentiam omnium praemissorum. Tenores vero literarum, de quibus supra sit mentio, et primo compromissi, deinde commissionis nobis factae de verbo ad verbum sequuntur, et sunt tales... 15 Et sic finiunt tenores literarum praedictarum. Acta vero sunt haec anno Domini millesimo quadringentesimo tredecimo, indictione sexta, pontificatus sanctissimi in Christo patris et domini nostri domini Joannis Divina providentia papae vigesimi tertii anno quarto, die vero decima mensis Junii, hora tertiarum vel quasi, in civitate Cracoviensi in domo hospitii nostri, praesentibus revererdo in Christo patre domino Alberto episcopo Cracoviensi, regni Poloniae supremo cancellario, nec non venerabilibus viris dominis Nicolao Penanskonis 16 praeposito, magistro 15 Ld. a 42. és 43. sz. okleveleket 16 Bizonytalan olvasat.
