Novák Ádám (szerk.): Fontes Memoriae Hungariae II. Varsóban őrzött magyar vonatkozású oklevelek, 1388–1427. Közreadja: Novák Ádám és Tóth Péter (Debrecen, 2018)
Oklevélszövegek
78 43. 1412. október 1. Buda. Zsigmond meghatalmazza Makrai Benedeket, Csúcs urát, a Lengyelország és a Német Lovagrend közti viszályban Budán 1412. augusztus 24én hozott ítélete végrehajtására. Nos Sigismundus Dei gratia Romanorum rex et semper augustus et Hungariae Dalmatiae Croatiae etc. rex, arbiter arbitrator et amicabilis compositor inter serenissimum principem dominum Wladislaum regem Poloniae et praeclarum principem Alexandrum alias Witholdum magnum ducem Lythwaniae fratres nostros carissimos et praelatos barones et subditos regni Poloniae magnificosque Semovitum et Johannem duces Mazoviae et Boguslaum Stolpensem ducem eorumque subditos et omnes coadjutores dicto domino regi Poloniae ex una et venerabilem fratrem Henricum de Plawen hospitalis Sanctae Mariae ordinis ?eutonicorum magistrum generalem et ipsum ordinem terras subditos coadjutores et adhaerentes eorum partibus ex altera, super omnibus displicentiis controversiis, quae inter dictas partes vertebantur et nunc vertuntur, electus et deputatus benivole pariter et assumptus. Notum facimus tenore praesentium quibus expedit universis, quod quia magna nobilis et egregii viri Benedicti de Macra in utroque iure licentiati dominique de Czucz fidelis nostri dilecti circumspectionis industria, quae in magnis et arduis quid expediat quidve deceat longe lateque circumspicit, non inmerito nos inducit, ut sibi, in quo secure quiescimus, quae grandis sunt ponderis et cordi nostro quam plurimum insident, committamus: qua de re meliori via iure modo ac auctoritate, quibus melius possumus et efficacius, praedictum Benedictum deputamus ad omnia et singula infra scripta et tantum in his nostras vices plenarie eidem comittimus nostrumque judicem delegatum subarbitratorem ac commissarium de nostra certa scientia ipsum praesentibus constituimus. Primo damus sibi auctoritatem, quod sententiam et sententias, per nos Budae anno Domini millesimo quadringentesimo duodecimo vicesima quarta die mensis Augusti latam et latas, cum omnibus suis particulis punctis clausulis dependentiis et connexis, valeat et debeat executioni demandare, testesque pro liquidatione ablatorum et dampnorum illatorum pro ipsorum executione fienda recipere et in illis partibus sententiae, in quibus terminus executioni fiendae per nos assignatus non fuerit, ipsum terminum totiens quotiens sibi visum fuerit expedire, intra quem seu quos partes parere praedictae sententiae nostrae debeant. Item damus eidem Benedicto auctoritatem in omnibus propositionibus utriusque partis per nos ad partes remissis et per dictas partes de novo proponendi, citandi testes et partes testibusque iuramentum deferendi et ipsos examinandi, praesumptiones audiendi, instrumenta videndi et generaliter omnia probationum genera recipiendi, item metas et granicies atque nova opera respi-
