Novák Ádám (szerk.): Fontes Memoriae Hungariae II. Varsóban őrzött magyar vonatkozású oklevelek, 1388–1427. Közreadja: Novák Ádám és Tóth Péter (Debrecen, 2018)
Oklevélszövegek
61 36. 1412. február 18. Ófalu. Magyar országnagyok salvus conductus-t biztosítanak mindazoknak a lengyel prelátusoknak és báróknak, akik Ófaluba jönnek a Magyarország és Lengyelország köz öt ti ellentétek megtárgyalására. Nos Stiborius Agriensis, Ladislaus Tiliensis episcopi, Stiborius woyewoda Transsilvanus, Symon de Rozgon iudex curiae regni Hungariae, Johannes Magnus magister thavernicorum, Petrus de Peryn comes terrae Siculorum, Stephanus de Compolth, Petrus de Brzezowicze comes in terra Sypsensi, Johannes de Humenna et Johannes de Magnomichal, coniunctim et divisim omnes in solidum, tam pro nobis quam pro omnibus aliis cuiuscumque status eminentiae vel conditionis hominibus, sub onere iuramenti sub fide conscientia et honore nostris dolo et fraude cessantibus, nulla arte ingenio vel colore observatis, omnibus praelatis et baronibus regni Poloniae singulariter singulis et universaliter universis et eorum comitive sequacibus ad nos venire volentibus, tenore praesentium promittimus pro salvo integro perfecto et christianico securitatis conductu firmiter et inviolabiliter observando, tamdiu quousque nobiscum omnia negotia ipsis per serenissimum principem et dominum dominum Wladislaum dei gratia regem Poloniae etc. committenda et commissa ad finem deduxerint, quod ad nos in Antiquam Villam pro sedandis sopiendis et tollendis controversiis displicentiis dissensionibus disturbiis rancoribus et odiis, quomodolibet inter serenissimos principes dominos Sigismundum Romanorum et Hungariae regem dominum nostrum gratiosum et Wladislaum regem Poloniae etc. praedictum ac ipsorum regna Hungariae et Poloniae suscitatis et exortis, et pro aliis factis et negotiis praedictis regibus et ipsorum regnis oportunis disponendis, libere et secure cum omni ipsorum quam secum habuerint comitiva, absque qualibet molestia arestatione detentione dampno offensa et gravamine, venire poterint factaque domini Wladislai regis Poloniae etc. et ipsius regni ac suorum subditorum libere iuxta beneplacitum eorum voluntatis per se vel per intermedias personas nobiscum ordinare et tractare et ad propria sine omni impedimento reverti et reddire, salvis omnibus ipsorum et comitive eorum rebus pariter et personis, nolentes, ut per hoc securitatis nostrae huiusmodi conductus cassaretur laederetur in aliquo vel cessaret, si quod absit inter ipsorum vel eorum comitive familiares et homines ac nostros subditos homines et familiares vel quoscumque alios extraneos aliqua lis gwerra seditio contentio controversia et discordia verbi facti vel operis oriantur vel crescant, etiam si exinde quantecunque ofensiones personarum laesiones vulnerum influentiones incendia vel mortis dispendia sequerentur. Si quid autem contra praemissa vel quodlibet praemissorum per se vel per alium seu alios, directe vel indirecte, explicite vel implicite, publice vel oculte duxerimus accep-
