Novák Ádám (szerk.): Fontes Memoriae Hungariae II. Varsóban őrzött magyar vonatkozású oklevelek, 1388–1427. Közreadja: Novák Ádám és Tóth Péter (Debrecen, 2018)
Oklevélszövegek
54 33. 1411. május 25. Dolnij Torg. Sándor moldvai vajda az előkelőkkel együtt megújítja Ulászló lengyel királynak korábban tett esküjét, hogy tudniillik Lengyelország királya és koronája ellen nem támad, hanem bármikor segítséget nyújt neki minden egyes ellensége és a magyar király ellen. Amennyiben a magyar uralkodó ellenük, vagy hűbéruruk, a lengyel király ellen vonulna, ők megtámadják Magyarország határait. Dei gratia nos Alexander voyevoda, terrae Moldaviae dominus, una cum proceribus nostris notum facimus hac tabula nostra praesentibus ac futuris, quibus id opus erit universis, constituisse nos sub fide et veritate nostra magnifico, illustri ac praepotenti Ladislao, magno Poloniae regi, domino nostro, fidei sacramentum et iuraiuranda, quae ipsi dedimus osculataque cruce confirmavimus, praestare adiungentes tam nostras quam procerum nostrorum litteras, quibus nos una cum his proceribus coronae et regno ipsius obstrinximus nunquam nos contra regem ipsum et coronam Poloniae futuros, sed ei ipsi et coronae ipsius quandocunque id opus erit, sine fraude et dolo auxilium laturos contraque Hungariae regem et unumquemque hostem ipsius (nam, qui est ipsi, est nobis quoque hostis) in propulsandis iniuriis, quae ipsi iniunctae sint, tamquam nobis iniunctae sint, adstaturos. Et si quando Hungariae rex, id quod deus avertat, contra dominum nostrum, Poloniae regem, profecturus sit, nos deo iuvante fines regis Hungariae invasuros et quaecunque poterimus in dominum nostrum, Poloniae regem, conlaturos. Si autem rex Hungariae contra me, Alexandrum voyevodam contraque terram meam Moldaviam profecturus sit, dominum nostrum, Poloniae regem defensurum nos, in fines Hungariae bellum inlaturum et quaecunque poterit tamquam dominum nostrum facturum. Fundamus insuper, confirmamus renovamusque hacce tabula nostra per honorem et fidem nostram sine fraude et dolo illud fidei sacramentum, iuraiuranda et litteras, quaecunque ipsi dedimus et quibus nos cum proceribus nostris obstrinximus nos ea firmiter, valide et immote in omnibus articulis, sententiis ac verbis tenturos, nunquam ea labefacturos neque oppugnaturos in saecula saeculorum. Neve nobis dominus noster rex in terra nostra et in patrimonio nostro et in finibus nostris iniuriam ullam faciat. In quarum sponsionum meliorem ac pleniorem fidem sigilla nostra huic tabulae nostrae appendimus. Scriptum in Foro Inferiore anno 6919 12 , Maii 25 die, feria secunda post Ascensionem Divinam. 12 Bizánci időszámítás.
