Novák Ádám (szerk.): Fontes Memoriae Hungariae II. Varsóban őrzött magyar vonatkozású oklevelek, 1388–1427. Közreadja: Novák Ádám és Tóth Péter (Debrecen, 2018)
Oklevélszövegek
45 30. 1411. március 31. Igló (Újfalu). Magyar követek Zsigmond királytól nyert különleges felhatalmazásuk alapján a Magyar- és Lengyelország között támadt viszályok elintézése érdekében hozzájárulnak, hogy november 11-én Ófaluban 12 magyar és ugyanannyi lengyel prelátus és báró gyűljön össze Sramovicz ében , és közösen hozzák meg érvényes határozatukat. Nos miseratione Divina Joannes Strigoniensis archiepiscopus, et Johannes Jauriensis ecclesiarum episcopus, Nicolaus de Gara, regni Hungariae palatinus, Stiborius de Styboricz waywoda Transylvaniae, comes Symon de Rozgon judex curiae regiae, Nicolaus de Marchali alias waywoda Transylvaniae, Joannes de Polsewcz tavarnicorum regalium magister, Johannes de Maronth pridem banus Machoviensis, et Petrus de Peren nuper comes Siculorum regalium, ad universorum notitiam per haec scripta deducimus. Quomodo cupientes fines Hungariae, et Poloniae regnorum pacatos reddere, et etiam displicentiarum, et iniuriarum materias, ac fomites inter serenissimos principes et dominos, dominos Sigismundum Hungariae,et Vladislaum Poloniae reges, et eorum regna hactenus ortas, et concurrentes suffocare, et ad statum debita caritatis deducere, ita quod unicuique ipsorum justitia aequo libamine ministretur pro quibuscunque iniuriis, et ex quibuscunque causis ex praedictis regibus unus alium posset, aut vellet impetere, de mandato serenissimi principis domini Sigismundi regis Hungariae, praedicti domini nostri gratiosissimi speciali potestate nobis in hac parte concessa, conventionem per praelatos, et barones regnorum praedictorum, ipso die Sancti Martini proxime affuturo in antiqua praelatis, et baronibus Hungariae, in Schramowiche praelatis, et baronibus Poloniae regnorum Villis statuimus, et condiximus infallibiliter celebrandam. Ad quam nos pro parte nostra praelatos, et barones regni Hungariae bona fide promittimus comportare, sub conditionibus infrascriptis, his videlicet, quod ad eandem conventionem praelati et barones regnorum praedictorum debent venire cum plena, et omnimoda potestate regum, regnorumque praedictorum, ubi duodecim ex dominis praelatis, et baronibus de Hungaria ex una, et totidem duodecim ex dominis praelatis, et baronibus de Poloniae partibus ex altera ad decidendum, sopiendum, et finaliter concludendum omnium displicentiarum, causarum, et iniuriarum inter eosdem reges, et regna currentium, ut praefertur, materias debent per ambas partes dari, nominari, relegi, qui sub fide, et onere juramenti omnes causas, et facta dissensionum regum, et regnorum praedictorum primo per modum concordiae amicabilis videre, et temperare debent, ut ea recto tramite arbitrii planificarent, et unirent. In casu autem quo ipsi per concordiam complanare non possent, extunc judicialiter vigore justitiae ipsi discutient, planabunt, et decident; quin imo in
