Novák Ádám (szerk.): Fontes Memoriae Hungariae I. Varsóban őrzött magyar vonatkozású oklevelek, 1350–1386. Közreadja: Novák Ádám és Tóth Péter (Debrecen, 2017)
Oklevélszövegek
28 19. 1379. szeptember 28. Krakkó . Erzsébet, Magyarország és Lengyelország királynéja, a Petrasius Szafraniec, krakkói alasztalnok tulajdonát képező Sielce és Klimuntów településeket a lengyel jog hatálya alól kiveszi, és áthelyezi a „magdeburgi”-nak is nevezett német jog (ius ?eutonicum) alá. In nomine Domini amen. Iuri congruit et est consonum racioni, ea que aguntur in tempore, ne simul cum lapsu temporis pereant, ut literarum apicibus, sicut sapientum sancivit auctoritas, et fidedignorum testimonio roborentur. Eapropter nos Elizabeth Dei gracia senior regina Hungarie, Polonie, Dalmacie etc. ad universorum noticiam volumus devenire, quod oblata nobis pro parte strenui viri Potrasij dicti Safrancz subdapiferi Cracoviensis, nostri fidelis peticio continebat, quatenus sibi literam nobilis viri Sandzivogij capitanei Cracoviensis nostri fidelis, sanam et integram, omnique prorsus vicio carentem, ac sigillo ipsius appenso sigillatam innovare, ratificare, gratificare et confirmare de reginali iure proprietatis (s) plenarie dignaremur. Cuius quidem litere tenor de verbo ad verbum sequitur sub hac forma: 4 Nos vero ipsius Potrassij peticionibus ob ipsius probitatem (et) merita graciosius annuentes, memoratam literam in omnibus suis articulis, punctis, clausulis et sentencijs, prout superius sunt descripte approbamus, innovamus, ratificamus et presentis scripti patrocinio confirmamus, volentes ac decernentes, ut omnia et singula contenta in proscripta litera perpetue roboris obtineant firmitatem. Preterea eciam, quod consideratis et attentis diligenter et sollicite dignis ac fidelibus obsequijs, que nobis strenuus miles dominus Potrassius pretactus de luczicz que vulgariter nuncupatur, noster fidelis et dilectas a longis et retroactis temporibus indicijs, servicijs beneplacitis multipliciter exhibuit et ostendit, ac domino comite fervencius exhibere poterit in futurum; Horum igitur serviciorum et aliorum tam multorum intuitu, speciali gracia ipsum prosequi cupientes, ut ipsi et Cmethonibus suis in villis videlicet Sedlecz et Klimontow superius nominatis fructus accrescat et utilitas omnimode (augeatur), exnunc villas ipsius antedictas in terra Cracoviensi situatas, prout in suis metis et granicijs sunt limitate et distincte, de iure Polonico in ius ?eutonicum, quod Magdeburgicum dicitur vulgariter, transferimus perpetuis temporibus duraturum. Removentes ibidem omnia iura Polonicalia ac modos et consuetudines universas Regni Polonie, que ipsum ius ?euthonicum impedire ac aliqualiter perturbare consueverunt. Absolvimus insuper et eximimus ac tenore presencium liberamus prefatum Potrassium et successores ipsius nec non kmethones et incolas omnes, 4 Lásd a 17. sz. oklevelet.
