Novák Ádám (szerk.): Fontes Memoriae Hungariae I. Varsóban őrzött magyar vonatkozású oklevelek, 1350–1386. Közreadja: Novák Ádám és Tóth Péter (Debrecen, 2017)
Oklevélszövegek
9 7. 1355. április 12. Buda. I. Lajos király oklevele, amellyel – akadályoztatva lévén – felhatalmazza anyját, Erzsébet királynét, hogy Zunduch városában fogadja a lengyel rendek hűségesküjét az ő nevében és örökösei, vagy ezek hiányában János herceg nevében is. Nos Ludovicus Dei gratia rex Hungariae notum facimus universis praesentes litteras inspecturis, quod cum nos ad petendum, recipiendum et exigendum fidelitatis, subiectionis, obedientiae, homagionis et dominii proprietarii ac iuris successionis regiminis et gubernationis regni Poloniae iuramentum per universos praelatos, duces, barones, proceres, milites, nobiles, castellanos, civitatum oppidum ac villarum cives iuratos et hospites ac cuiuscunque status et conditionis homines nobis et haeredibus nostris ex nostro femore descendentibus, vel illis non extantibus inclyto principi domino Johanni duci, nato olim domini ducis Stephani fratris nostri piae recordationis in casum, ubi serenissimum principem dominum Casimirum praemissa gratia eiusdem Poloniae regni regem, avunculum nostrum praedilectum sine haeredibus masculini sexus decedere contingerit, de ipsius domini regis beneplacito, voluntate et consensu exhibendum et praestandum ac dudum illustrissimo principi Carolo, genitori nostro carissimo felicis memoriae pro se ipso ac nobis, nostrisque haeredibus exigenti mediantibus efficacissimis instrumentis et litteris exhibitis ad praefata innovandum et per praedictum dominum regem Poloniae anno Domini millesimo trecentesimo quinquagesimo quinto, scilicet vigesima tertia mensis Februarii Budae, in domo nostra regia innovatum per ipsum ac omnes supradictos ad quindenas festi Paschae nunc venturae affectuosissime invitati in civitatem Zunduch aut personaliter accedere, aut casu aliquo impediente excellentissimam principissam dominam reginam, genetricem nostram carissimam destinare debuissemus, prout inter nos ac dominum regem praelibatum primitus ordinatum, dispositum, deliberatum ac firmatum ac litteris vallatum utrorumque. Et quia nos ad praesens rationabiliter impediti et aliis arduis negotiis occupati pro sacramento ipso exigendo sicut promisimus, accedere non valemus, ideo iam dictam dominam reginam genetricem nostram duximus destinandam, eamque constituimus nostram procuratricem, negotiorum gestricem ac nuntiam quo ad idem specialem, dantes eidem plenam potestatem pro nobis, haeredibus nostris, aut illis non existentibus pro domino Johanne duce, nepote nostro praedicto et ipsius haeredibus vice nostrae personae et etiam eorundem ab omnibus praelatis, ducibus, baronibus, proceribus, militibus, nobilibus, castellanis, civitatum, oppidorum ac villarum civibus iuratis et hospitibus ac cuiusvis status et conditionis hominibus supradictis per se aut procuratores idoneos sacramentum fidelitatum, subiectionis, obedientiae, homagii,
