SCHEMATISMUS 1948.

XVIII. Residentia Mátraverebély-Szentkút ad B. M. V. in Coelos Assumptam, in Archidioecesi Strigoniensi, Comitatu Nógrád, in valle iuxta Pagum Mátraverebély síita. Locus thaumaturgus (Fons sacer, vulgo: Szentkút) circiter ab anno 1192. sumpsit exordium. Fideles diutius, peractis in Ecclesia antiqua Mátraverebélyiensi pietatis exercitiis, Fontem sacrum visitabant. Tempore dominatus Turcarum jam exigua ex ligno Capella hic exsistebat. Sacellum lapideum anno 1705. erigitur. Hodierna Ecclesia ex munificentia Com. Joannis Almásy piisque peregrinantium oblatis exstructa est anno 1763. Tunc aedificabatur etiam parva Residentia, quae anno 1857. a Patrono amplificatur. — Fratres nostri ex vicinioribus Conventibus saltern jam sub obsessione Turcica populo hic devote confluenti servitia praestabant spiritualia. Ab anno vero 1772., post alios ab ineunte saeculo spirituales, unus Pater ex Prov. Salvatoriana assidue hic habitabat ut custos Sanctuarii. Demum Provincia nostra anno 1924. a S. Sede licentiam obtinuit Residentiam formalem hic instituendi. Annis subsequentibus locus sacer novam prorsus induit faciem: Ecclesia et Residentia restaurantur, imo anno 1936. nova cum pluribus cellis Residentia aedificatur; regio prope adjacens commodo peregrinantium perbelle adaptatur. A primo vere usque ad autumnum exeuntem maxima fidelium multitudo locum gratiosum Beatissimae Virginis adire consuevit. Tempore peregrinationum provisio fidelium isthuc confluentium Patres ac Fratres omnino fere occupat. — Anno elapso Pane coelesti 96000 Christifideles sunt satiati. — Numerus Tertiariorum: 65. Sacerdotes: R. P. Chrysanthus Tamás, Praeses, Definitor Prov. Docens appr. Hist. Domus, Dir. III. Ord. Conc. Conf. R. P. Theodosius Csiszár, Discr. Miss. pop. Conc. Conf. R. P. Bruno Szabó, Discr. Synd. subst. Exhort. Laic. Bibi. Conc. Conf. Fratres Laici: Fr. Vincentius Kovacsics, sol. prof. Org. Janitor, Hortulanus. Fr. Cajetanus Rehling, sol. prof. Curát. Refect., ad serv. Res. 52 y üira^HH