SCHEMATISMUS 1937.

11 insigni erga Ordinem Seraphicum pietate affectus, eundem Ordinem, hucusque uni quidem Supremo Moderátori, Ministro Generali totius Ordinis dicto subjectum, in quatour tarnen Familias (Observantium, Reformatorum, Excalceatorum et Recollectorum) divisum, ad unitatem perfectam revocavit per Constitutionem „Felicitate quadam" die 4 Octobris, a. 1897 editam. Vigore hujus Constitutionis Apostolicae extincta sunt nomina Familiarum, et universus Ordo sine ullo apposito „Ordo Fratrum Minorum" nominandus decernitur, simulque novae in toto Ordine Constitutiones Generales observandae praecipiuntur. Alma Nostra Provincia ab ortu suo Observantium, mox ab a. 1659 ad Reformatorum Familiam pertinens, tenore supradictae Constitutionis absque ullo addito „Provincia Hungáriáé S. Mariae Ordinis Fratrum Minorum" appellatur. Inde ab anno 1884 agente felicis recordationis P. Gaudentio Guggenbichler, zeloso quondam nos^rae Curiae Generalitiae Definitore, Provinciaeque Marianae Commissario Visitatore Generali, nonnulli alumnorum Almae Matris Provinciáé de restauranda claustrali disciplina cogitare coeperunt. Ast Josephinismi letale ac inveteratum, Sodalium animos indifferentismo sicut et relaxationis spiritu jam-jam ex integro penetrans virus, ejusmodi renovationis conatibus haud exigua obtrudit obstacula. Hinc indeque agitatas disceptationum undas, quassatasque pro et contra argumentationes Rssmus P. Bernardinus Dal Vago a Portu Romantino, tunc temporis supremus Ordinis Franciscalis Moderator, tandem temperandas sedandasque censuit. Praelatus hic non minus circumspectus quam pius, decreto suo decisivo Fratribus disciplinam severioris vitae amplecti desiderantibus, utpote Dornum Recollectionis ipsis inhabitandum anno 1888 Conventum in oppido Malacka situm designavit. Itaque antesignano P. Theodorico Elek, tres meritissimi PP. Magistri Clericorum, Isidorus scilicet Ozorai, Justinus Horváth, Pius Tokay, necnon P. Felix Schmidt, Cone, et Catecheta et P. Cyriacus Hegedűs, Phil. Lector sensim exinde advenientibus sequacibus viam monstrarunt. Rssmus P. Minister Generalis pro bono meliori in Domo Recollectionis strenue certantes Religiosos benigne fovit, ipsisque — Provinciáé Senatu in vanum reluctante — omnium omino Fratrum Clericorum educa-