SCHEMATISMUS 1909.

Conventus Szigetváriensis. Ad S. Antonium Paduanum. In Dioecesi Quinque-Ecclesiensi, Comitatu Somogyensi, Oppido Szigetvár situs. Anno et fundatore incognitis, antiquis monumentis perhibentibus, usque ad an. 1562. a Fratribus nostri Ordinis inhabitatus, feritate subin Turcica demolitus, 1688. muuificentia Exc. Domini Comitis Gabrielis Vécbi Generalis Tormentorum, Colonelli Peditum, ac praesidii Szigetvár Commandantis, Fratres nostri Moscheam quandam consecuti Ecclesiam et Residentiam ligneam extruxerunt. Modernus cum Ecclesia Conventus ex piis Fidelium oblatis 1736. feliciter consummatus, at injuriis temporum magna sui parte ruinam minitans, anno 1890. et sequenti indefessa opera Fratrum, collectis per Regnum Hungáriáé benevolis fidelium eleemosynis, superinduendo necessarias mutationes, hodiernam formám adeptus est. Ss. excepit confessiones 3000 poenitentium. — Posta et statio telegraphica et viae ferreae in loco. Sacerdos : A. V. P. Gerardus Kovács, Praesidens, Conc., Direct. III. Ord. S. P. N. Francisci, Bibliothecar. et Histor. Domus. Nr. 1. XXVI. Conventus Szolnokiensis. Ad Sanctissimam Trinitatem. In Dioecesi Vaciensi, Comitatu Jász-Nagy-Kun-Szolnok, Civitate Szolnok positus. Hungaria sub iugo Turcico gemente, ne populus Szolnokiensis a Sacris Catholicis deficeret, summas licet inter difficultates et vitae pericula curabant Patres Salvatoriani, ideoque felicioribus etiam temporibus advenientibus, iam inde ab anno 1686. Episcopis Dioecesanis rati habentibus, curam animarum cum iuribus Parochialibus hodiernum usque isthic agunt. Interea an. 1723 moderni Conventus et Ecclesiae fundamenta iecerunt omniaque partim emerita, partim emendicata stipe usque anno 1752 ad perfectum statum deduxerunt. Administrât parocbiam localem animas numerantem 22.460. — Providet Professore Doctrinae Religionis et Exhortatore gymnasium VIII. classium, in quo alumni rom. cath. 130. — Catechisat in schola elementari rom, cath. „Constantiniana" 422, in schola civili puellarum 144, puerorum 181 et in schola elementari Status 2465, in schola industriali 272. — Iuvamen spirituále praestat DD. Parochis Dioecesium : Vaciensis, Agriensis et Magno-Varadiensis. — Ss. Confessiones excepit per anni decursum 14.600 poenitentium. — Posta, statio telegraphica, item viae ferreae ac navis vapor. in loco.