S. BONAVENTURA: Legenda Maior S. Francisci Assisiensis et eiusdem Legenda Minor (1941)
CAPUT XL Deintelligentia Scripturarum et spiritu prophetiae
LEGENDA MAIOR. CAP. VIII. 91 praeparavit. Intraverunt tandem ad mensam, et incipientibus aliis manducare, hospes subito spiritum exhalavit, iuxta verbum hominis Dei repentina morte sublatus. Sicque factum est, hospitalitatis misericordia promerente, ut iuxta verbum Yeritatis 1 Prophelam recipiens, mercedem Prophelae acciperet; dum per sancti viri praenunliationem propheticam miles ille devotus sibi contra mortis subitationem providit, quatenus, armis poenitentiae praemunitus, perpetuam damnationem evaderet et in aetern a tabernacula 2 introiret. 5. Tempore, quo vir sanctus ßeate iacebat infirmus, prae- Ii C 41 bendarius quidam nomine Gedeon, lubricus et mundanus, infirmitate gravi correptus et lectulo decuba n s, cum ad eum fuisset delatus, lacrimose rogabat cum simul adstantibus, ut ab ipso crucis signaculo signa r e t u r. Ad quem ille: « Cum vixeris olim secundum desideria carnis, non veritus indicia Dei, quomodo te cruce signabo? Verum propter devotas intercedentium preces, signo te crucis signabo in nomine Domini. Tu tarnen scito, te graviora passurum, si ad vomitum redieris 3 liberatus. Propter peccatum enim ingratitudinis semper peiora prioribus inferuntur ». Signo itaque crucis super eum facto, statim qui contractus iacuerat, surrexit sanus, et in laudem Dei prorumpens: «Ego», inquit, « sum liberatus ». Insonuerunt autem ossa renum eius, audientibus multis, veluti cum manu ligna sicca franguntur. Paucis autem interlapsis temporibus, Dei oblitus, corpus impudicitiae reddidit; cum que sero quodam coenasset in domo cuiusdam canonici nocteque ilia dormiret ibidem, subito super omnes corruit tectum domus. Ceteris autem evadentibus mortem, solus miser ille interceptus atque interemptus est. Iusto igitur Dei iudicio facta sunt novissima hominis illius peiora prioribus 4 propter ingratitudinis Vitium Deique 1 Matth. 10, 41. 2 Luc. 16, 9. 3 Prov. 26, 11. Cf. VIII, 11, I. 8. 4 Matth. 12, 45.
