Fejér Megyei Történeti Évkönyv 8. (Székesfehérvár, 1974)
Tanulmányok - Kállay István: Székesfehérvár kiváltságlevelei
et Regiae Civitates Nostrae tum ex indultu Divorum quondam Hungáriáé Regum, tum etiam positivis Regni Constitutionibus usos, et fruitos fuisse manifeste constaret, sed et antiqua eorum privilegia memoratos cives et incolas variis et amplis libertatibus, gratiis, praerogativis et concessionibus munificentissime dotatos fuisse, sat superque testatum redderet. Tum igitur ob id, tum etiam ad nonnullorum fidelium Nostrorum pro parte prudentum et circumspectorum modernorum Consulis, Judicis, coeterorumque Senatorum ac Juratorum Civium et Inhabitatorum, adeoque totius Communitatis praefatae Civitatis Nostrae Albae Regalensis demissam supplicationem Nostrae propterea factum Maiestati, sed et attentis et consideratis fidelitate, et fidelium servitiorum meritis eoründem incolarum, hospitum et civium, quae ipsi a tempore eiusdem civitatis gloriosae recuperationis, suiquein eandem collocationis, et inhabitationis, ac alias etiam pro posse semper suo, et virium, facultatumque exigentia speciali semper sollicitudine et cura Sacrae praeprimis praefati Regni Nostri Hungáriáé Coronae, uti et Maiestati Nostrae pro locorum et temporum varietate constanter, et alacriter exhibuissent, et impendissent, parique posthac etiam promptitudinis obsequio semet exhibituros, et impensuros pollioerentur, imo in contestationem debitae suae et homagialiis fidei, gratique obsequii specimen, pro redemptione juris armorum certam summám pecunariam effective persolvendam, et in publicas necessitates convertendam obtulissent. Volentes Nos quoque benignitatis, et munificentiae Nostrae eosdem cives et incolas Nostros participes reddere, ac ut ipsi in pristinum decus, felicioremque conditionem Nostra Clementia restitui, taliterque stabiliri valeant, ac in sera etiam posteritate sua fidelitatem, et fidelia servitia per Maiestatem Nostram remunerata fuisse experiantur, ac eadem quoque ad futura de Maiestate Nostra, Augustaque Domo Austriaca, Sacroque Regni Diademate benemerendi studia eo magis incitetur, et calcar acquirat, ac stimulum. Praementionatam Civitatem Nostram Albam Regálém cum suis civibus, hospitibus et incolis in antiquum postliminii jure statum reponendam, et praefato Regno Nostro Hungáriáé, eiusdemque Statibus et Ordinibus reincorporandam, ac insuper id iisdem clementissime concedendum et annuendum esse dnximus, ut universis et singulis juribus, praerogativis, immunitatibus et privilegi'is, tum Regni Articulis, tum etiam generáli reliquarum Liberarum Regiarumque Civitatum Nostrarum consvetudine eidem competentibus libere uti, frui et gaudere valeant. Et quarto Regni Statui rursum cum sessione et voto, prout antiquitus fuissent, uniantur, ac ad Generales Regni Diaetas per Regales evocentur, pro peculio Sacrae Coronae habeantur, nec ab ea unquam separari, alienari, vei oppignorari ullo pacto possint, et valeant, magistratus et cives collectivo nomine sumpti pro vero et indubitato regni nobile censeantur. Publicas contributiones non secus quam cum Regno et taxas diaetales ad instar reliquarum Civitatum Nostrarum Liberarum et Regiarum praestare sint obligati. Jus territoriale in suis territoriis et praediis, ac incolis hactenus etiam quiete possessis, cum universis eo spectantibus ali'as de Lege Regni nomine pertinentiarum inteiligendis, ad instar aliorum domi183
