Payr Sándor: Egyháztörténeti emlékek. Forrásgyüjtemény a Dunántuli Ág. Hitv. Evang. Egyházkerület történetéhez. I. kötet. Sopron 1910.

I. Luther tanainak legrégibb nyomai az egyházkerületben.

d) Institor Pál soproni polgár ellen emelt vádak: tiltott eledeleket evett böjtben és lutheránus könyveket olvasott. Examinatio consulis de esü carnium et aliorura ciborum prohibitorum inter seipsos factorum. Primo iudex interrogatus, dicit, quod non comedisset carnes, nec ova diebus prohibitis cum familia sua, sed audisset a coniuge sua et quodam rustico, quod Paulus Institor et uxor eius comedissent unum ovagium et ora tempore quadragesimali, et quod ipse Institor ad eundem iudicem dixisset, se habere copiam librorum lutherianorum. Dominus magister civium interrogatus, dixit, quomodo plebanus ad eum venisset et dixisset, quod mala vita alicuius civis in eorum medio existentis appareret. Quare, cum ipse esset caput, huiusmodi mala impunita relinqueret? E diverso dixit magister civium, se, cum sciret pro certo nequaquam relinquere impunita. Ad haec respondit plebanus: Paulus Institor est unus, et quod aliquae honestae mulieres etiam venissent ad dominum magistrum civium et dicebant, quomodo uxor Pauli Institoris aperte comedisset ova diebus prohibitis. Dominus Christophorus Grátzer dixit, quomodo a multis audisset, quod Paulus Institor manducaret carnes, et quod vidisset eundem dictum Institorem et Benedictum Bors et Franciscum Boemum vesci ovis quadam sexta feria. Dominus Bartholomaeus Ófner dixit, quod pro se nec comedisset ova, nec carnes, nec libros lutherianos domi haberet, nec legisset, nisi quod nuper auditu percepisset Paulum Institorem vesci carnibus diebus prohibitis. Dominus Petrus Piscator dixit, se ab Institore ipso audisse, quod haberet libros lutheranos, et quod rumor esset, eum comedisse carnes et quod casu cum Institore convenisset in foro piscario, quod diceretur de piscibus. Ad hoc dixisset Institor: melius esset caro aut capo, quam pisces. Ipse respondit: me plus delectant pisces, sed nescit, an comedit, an non. Dominus Johannes Piesch dixit, quod non edisset carnes, nec lactaria diebus prohibitis cum familia sua, sed audisset, quomodo uxor Pauli Institoris in vigilia Petri et Pauli apostolorum comedisset ante domum in quadam testudine duo ova, et quomodo quidam sacerdotes libellos lutherianos hinc inde portassent, et quod quidam studens diceret, quod cum dicto Paulo Institore comedisset carnes suillas quadam die Sabbati. Dominus Jeronimus Hiersch confitetur, quomodo audisset, quod Paulus Institor comedisset cum duobus studentibus unam calcedam de carnibus suillis. Dominus Johannes Schutzner dixit, sicut Jeronimus Hiersch, quod non vidisset eundem Paulum vesci carnibus, sed auditu audivit.