Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XI. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1586
179 260. Ego Michael Albertus Edelstadiensis uel Zuckmantl: Silesius prima elementa artium et pietatis in patria ieci. Deinde Schemnicii annum literis incubui. Postea missus Iglauiam ibi quinquennium, Nouisolii biennium, Leutschouiae annum operam literis nauaui. Quo tempore peracto biennium scholae Petersdorffensis in Vngaria ludimoderator fui annumque Cantoris officio in patria functus sum. Tandem a Generoso ac Magnifico domino domino Hyneko seniori a Wirben domino in P'reudenthal, Bistritz et Goldenstein, S. Caesareae Maiestatis Consiliario ad officium Diaconi uocatus. — O. Leyser. [31. März.] 261. Ego M. Antonius Ebhardt Lubecanus, Saxo, postquam principia quaedam in literis sacris et prophanis primum in patria ac deinde in Silesia Gorlitii sub M. Petro Vincentio percepissem, deinceps Witebergam ueni, ubi cum ultra quinquennium perdurassem et titulum Magistri consecutus essem, profectus in Austriam biennium paedagogum egi apud Generosum et magnificum Dominum D. Reichardum Strein etc. cuius permissu scholae Leucophanensi ditionis eiusdem oppidulo praefui per decennium. Tandem ab hoc eodem Domino Strein ad parrochiam promotus sum. — O. Leyser. [10. April.] 262. Ego Mathias Becksbrodt Filnecensis Morauus in schola Leuschouiensium prima literarum fundamenta et pietatis praecepta imbibi. Deinde de consilio parentum meorum Trentzinium ueni, ibi operam literis per annum, Rectore Petro Barosschio existente dedi. Relicto Trentzinio ueni Oppauiam, ibi per integrum biennium sub Johanne Kiichlero cognitioni bonarum artium sedulo incubui. Ex hoc loco amicis meis ita suadentibus Bregam pedem detuli atque illic in illustri Gymnasio per integrum quadriennium praecepta artium ad docendi munus necessariarum percepi, utens praeceptoribus Clarissimis D. M. Petro Siccio, M. Jacobo Paulonio ac M. Laurentio Beslero pie defuncto. Postremo discendi causa me Wittebergam contuli, quo in loco per semestre quoad potui ingeniolum meum excolui. Ex hac celeberrima Academia discedens aeger ueni Neotitschinium, ubi Cantoris functioni praefectus iuuentuti eiusdem loci per sequi- alterum annum operam meam impendi. Tandem ab amplissimo Senatu eiusdem duitatis ad Ecclesiasticum munus uocatus. — O. Leyser. [27. April.] 12*
