Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XI. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1585
176 250. Ego M. Wolfgangus Gotzius Crimmicensis pic iactis fundamentis literarum primis in schola patria contuli me studiorum causa Cycnaeam, in qua quinquennium commoratus fui sub clarissimo viro Dn. M. Paulo Dalbitio. Deinde Snebergam profectus quadriennium ibi vixi sub clarissimis viris Dn. M. Johanne Sarcandro et Dn. Paulo Obermeiero. Tandem Dn. praeceptorum meorum et cognatorum consilio in hanc Academiam Witebergensem longe celeberrimam me recepi Anno 75. Ibi propriis sumptibus per quadriennium sustentatus, postea in numerum stipendiariorum Illustrissimi Principis ac Ducis Augusti Electoris Saxoniae receptus sum. Anno 83. Hinc a senatu Aquensi ad munus scholasticum vocatus sum, ubi per biennium ea, qua par fuit, fide et dexteritate scholae Rectorem egi. Deinde iterum Witebergam me contuli. Novissime ad officium Ecclesiasticum legitime per Reverendum Dominum Doctorem Polycarpum Leiserum &-c. a Generoso Dn. Barone Feliciano ab Hertenstein in Vngaria vocatus. — O. Leyser. [25. Aug.] 251. Ego Johannes Crocinus Pragenus prima literarum rudimenta in patria ieci. Deinde Slanae aliquot annos exegi pietati &: liberalibus disciplinis operam nauans sub praeceptore Georgio Sussilio Raconiceno, paulo post Academiae Pragensis professore facto. Hinc Zaczae ad officium collegae uocatus ibidem Annos 4 exegi. Demum Hradecii Reginae ibidem Collegae officium sustinui, tandem Nymburgae Cantoris officio praefui & Bydzionii in eodem officio uersatus. Hinc legitime vocatus ad ministerium Ecclesiasticum a Georgio Dycasto Mirzkouino Decano et pastore Ecclesiae Giczinensis. O. Leyser. [4. Nov.] 252. Ego Martinus Chlumocenus rudimenta literarum Hradecii einitate Booemiae feci & ibidem annos adolescentiae meae in studio pietatis & honestarum artium contriui. Tandem a clarissimo viro D. Decano Mataeo Chrudimeno Phagaride, pastore Coliniensi vocatione mihi oblata ad officium diaconi Vittebergam adii. — O. Leyser. [4. Nov.] 253. Ego Andreas Smiccius natus in oppido Pannoniae Warna domi primum a parentibus et in schola educatus prima ieci fundamenta literarum. Tandem sub disciplina sanctae memoriae et industrii viri Dn. Nicolai Colacinatis Zolnae annos exegi duos cum
