Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
II. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573 - 1580
62 Gera, fratri ipsius, amplissimo sane viro, domino Vuolphgango a Kreytzen ad Osterodam Borussiacam. A quo postea ad magnificos dominos Dominum doctorem Joannem a Kreytzen Illustrissimi Prussiae Principis Cancellarium, item ad Dominum Christophorum a Kreytzen, Aulae eiusdem Burggraphium atque a consiliis Regiomontem missus, ueni in celeberrimam eiusdem vrbis Academiam illicque biennium praeter Musicalem illam in aula ducalis iniunctam functionem sacris ac liberalium artium studiis incubui. Hinc iter suscepi Gedanum Borussiae Metropolim praefatorum Principis Consiliariorum promotione motus. Officio itaque Cantoris illic per integrum anni spácium functo conditioneque resignata transgressus sum Viennam Austriae. In posterum autem mittebar ab Ornatissimo ac Prudentissimo viro D. Joanne F.isslero ciue & consiliario Reipublicae Viennensis ad scholam Hasel- bacensem in Illustris ac Generosi Domini Domini Vuolphgangi Streinii a Schuuartzenaw ditione amplissima sitam, ut puerorum animos ac ingenia informarem, cui equidem muneri triennium usque praefui. Cum autem oportuniorem locum quaerere proposuissem, offerebatur mihi a Reuerendo & clarissimo viro Polycarpo Leysero S. S. Theologiae Doctore et tum temporis EcclesiaeGöllersdorphensis Antistite celeberrimo munus eiusdem Ecclesiae scholasticum, in quo loco abhinc quinquennium uixi: Donec tandem diuina profecto prouidentia per Illustres ac Magnificos Dominos, Dominum Carolum Ludovicum & Dominum Joannem Christophorum, fratres germanos & Barones a Puchaym &c. Dominos meos clementissimos ad sacrum Euangelii atque Sacramentorum ministerium legitime sum uocatus. — 0. [2Ö. Oct.] 193. Ego Georgius Czodor Sellecenus Pannonius prima fundamenta ieci in patria sub praeceptore meo Wenceslao Layer Boheme, sub quo didici legere, inde profectus sum Nouisolium ad Dominum Abrahamum Schreml, uixi sub eius ferula per quadriennium. Illinc profectus sum Bartpham ad Dominum Thomam Fabricium Nouisoliensem, sub eius disciplina mansi per septennium. Hinc profectus sum Iglauiam ad D. Magistrum Vrsinum, sub eo uixi per quadriennium. Iglauia profectus sum in patriam, ex patria iterum Bartpham ad D. Rectorem Thomam Fabricium, mansi iterum per annum. Ex hac schola uocatus sum legitime ad munus Ecclesiasticum per illius pagi ciues, suadente domino Martino Wagnero et d. praeceptore Thoma Fabricio. — 0. Leyser. [22. Nov.]
