Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
II. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573 - 1580
51 in patriam ueni. Tandem in hanc celeberrimam Academiam vberioris studii gratia a parentibus transmissus annum fere hic consumsi. Acceptis autem ex patria uocationis meae literis illas obtulli dignissimo huius Ecclesiae ministerio. — O. Leyser. [12. Mai.] 165. Ego Emericus Peluch Brusnensis Pannonius prima fundamenta religionis et bonarum artium ieci in patria apud Thomam Wranka Priuidiensem, Ministrum nunc in eadem patria mea existentem, ubi biennio mansi. Hinc cum fratre Georgio Peluch profectus sum ad Hay pagum Comitatus Thurocensis, vbi sub disciplina Thomae Czudlik eo tempore Rectoris scholae mansi per annum. Inde ibam cum eodem Thoma Czudlik Rectore et consanguineo meo Bart- pham mansique sub ferula pii et eruditi viri D. Thomae Fabri Nouo- solensis, Rectoris scholae ibidem spatio vnius anni. Barthpha autem profectus sum in Vngariae Superioris oppidum Vyhel, ubi biennio sub Nicolao pastoris filio liberalibus dedi operam artibus. Post peragratis Vngariae aliquibus partibus veni Moschouiam oppidum comitatis Thurocensis, ubi Rectore scholae existente Josepho Basteno, viro singulariter pio, dedi operam honestis artium liberalium literis annum cum dimidio. Hinc contuli me Tyropolim duitatem comitatus Scepusiensis, vbi sub disciplina pii et docti viri Mathiae Thoraconymi siue Cabathaei Rectoris eius loci mansi in studio liberalium artium plus anno. Hinc postea veniens uicissim Moschouiam, oppidum supra dictum et habita vocatione legitima suscepi functionem scholasticam ibidem mansique in hoc munere Rectoratus unius anni spatio. Hinc uicissim auocabar in arcem Sklabynya Comitatus Thurocensis a Generoso et Illustri D. Francisco de Rewa Comite Comitatus Thurocensis et consiliario Sacrae Caesareae Regiaeque Maiestatis pro suscipienda Paedagogiae functione seu filii Gabrielis erudiendi, ubi corrtpleto anni termino et habita iterum honesta vocatione a pastore Stanislao Gosnouicero et ciuibus Sancti Martini in Thurocz suscepi munus regendae scholae ibidem et postea per annum manenti oblata est mihi vocatio ab eodem Generoso et Illustri Francisco de Rewa supra annotato et Belensibus, subditis eius, ad Ministerium siue Ecclesiam eorum regendam. — O. Leyser. [28. Mai.] 166. Ego Matthaeus Pelczl Iglauiensis Morauus a pueritia scholae paternae, post hac schola publica annum integrum fui alumnus. Hinc in patriam ab inclyto senatu Iglauiensi ad informandam i*
