Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XI. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1600
!---2 49 Laurentio Silesio, emissus a parentibus augendae eruditionis meae gratia Rosenbergam in Pannonia sub Thoma Doriticio annum cum dimidio exegi, tandem contuli in, Bohemiam et Pragae apud Diuum Henricum sub ferula clarissimi viri M. Johannis Rosacii Suticeni per biennium operam honestis literis dedi. Hinc iterum in Pannoniam migraui, ibi usus sum praeceptore clarissimo et doctissimo viro M. Zacharia Sommero emisso ex illustrissima Academia Wittebergensi. Denique Trenschinio Wittebergam emissus causa sacrorum ordinum a senatu Trenschiniensi. — O. 13. Aug. Hunnius. 631. Ego Nicolaus Marihowsky Belluschenus Pannonius patre natus Michaele Marihowsky, matre uero Dorothea in patria pie educatus in ludum literarium ad discendas honestas literas traditus integrum octennium ibidem in ediscendis iisdem exegi, praeceptore usus Ladislao Polono. Ex patria deinde ad uberiorem ingenii mei eruditionem comparandam a parentibus missus sum Thrinchinium. praeceptoribus usus Petro Baroschio et Joanne Pruno. Jllinc Galgocium me contuli, ubi per semestre literis operam nauaui sub ferula Georgii Seratorii. Sequentibus annis ueni Zemtzinum ad discendam linguam Ungaricam, ubi quinquennium consumsi, praeceptoribus usus Valentino Zarnias, Daniele Köm et Francisco Vasarhelino. Zemtzino discedens deinde Bartphae continuaui mea studia per quinquennium sub disciplina praeceptorum sequentium: M. Matthia Henrid, M. Nicolao Erhardi, M. Conrado Gera. Tandem Bartpha uocatus ad functionem scholasticam in oppidum Galssech in superiori Vngaria biennium docendo exegi. Hinc Prividiam euocatus ad regimen item scholae, ubi etiam per biennium docui. Atque sic tandem per magistratum loci eiusdem ad ministerium euocatus. — O. 21. Aug. Hunnius. 632. Ego Johannes Zizouius Pomeranus Sueti ab honestis et piia parentibus natus et educatus incubui literis in valle Joachimica sub informatione D. Jacobi Schoberi. Deinde cum ibi per quinquennium vixissem et fundamenta pietatis iecissem, Teplicium sum profectus, ibidem a R: et D. viro Anthonio Hoffmanno ad instituendam prolem sum vocatus. Cumque iam singulari Dei beneficio et providentia ad curam animarum in pago Selnicz a nobilissimo et generoso domino Zdaslao Kaplero legitime ad munus docendi Euangelium vocatus sum. — O. 21. September. Hunnius. 633. Ego M. Salomon Pontanus Austriacus honestis parentibus, nempe Reuerendo domino Wolffgango Pontano et Apollonia
