Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XIII. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1596
190 scholasticam Absdorfiam uersus in Austria sitam uocatus sum, ubi ludimoderatoris officio per tredecim annos praefui. Tandem ad munus docendi Euangelium et administrandi sacramenta in Ecclesia Abs- dorfiana Austriae legitimo modo sum uocatus. — O. 8. Trin. [1. Aug.] Hunnius. 495. Ego Philippus Petzsch Misuensis in oppido Waltheim honestis parentibus anno 1567 natus ab ineunte aetate ad literarum studia adhibitus Mittweidae prima literarum et studiorum initia feci. Inde parentum consilio Annaebergam me contuli, ubi quatuor annos in literarum studiis consumpsi. Postea in celebrem Academiam Lipsensem migraui uberioris doctrinae capiendae gratia, literis operam dando quinque annos ibi peregi. Hinc ad officium Cantoris in Waltheim, patria mea, legitime uocatus comparui et functioni illi biennium diligenter praefui. Denique in Austriam perlatus a Generoso Domino Domino Joanne ab Altheim libero barone in Waltreichs ad officium concionatoris aulici legitime uocatus. — O. August1). Hunnius. 496. Ego Thomas Joannidis Bliskouinus Moravus legitime natus pio et honesto patre Joanne Jankovsky in schola patria Bliskovicensi a teneris fundamenta pietatis et primarum artium ieci. Ex illa post obitum parentis ad scholam Prostanensium, in qua sub ferula M. Joannis Kerneri Plzeni biennium vixi. Postea Mezericium profectus ibi ultra biennium operam studiis dedi. Inde cum Teuto- brodam me contulissem, ibi biennium sub disciplina honestorum studiorum degissem, in patriam redii et consilio Tutorum officium Cantoris Benessoviae ad annum suscepi. Inde divina quadam providentia ex scholastico pulvere ad Diaconatum Ecclesiae Svetla cis Sazavam ab oppidi illius senatu et Ecclesiae eiusdem pastore Domino Joanne Oxyopo Sabbateno legitime sum denominatus. — O. [vor dem oder am 28.] August. Hunnius. 497. Ego Christophorus Stiibnerus Reichenbachensis Lusatius a piis et honestis parentibus legitimo in thoro procreatus primum in patria schola, postea uero in Gymnasio Zittauiensi sub institutione diuersorum praeceptorum, inter quos tamen haud immerito Dn. M. Leonhardo Etzlero tum temporis Rectori dignissimo primas tribuo, per aliquot annos uixi. Dehinc stipendio et sumptibus amplissimi Senatus Sittauiensis in inclyta Witebergensium Academia per biennium studiis primo philosophicis, deinde uero Theologicis *) Ohne Tagangabe.
