Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XIV. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1590
256 D. Joachimi Pistorii per quinquennium honestis literis incubui. Iglauia me contuli Mezericium, ibi etiam sub praeceptore Casparo Kiffero ultra triennium uixi. Hinc euocatus ad labores scholasticos Buduicium in Marchionatum Morauiae, ubi per dimidium annum choro feliciter praefui. Inde euocatus ad labores Ecclesiasticos a Domino Nicolao Peldrimouino pastore Jaromoricensis in Morauia. — O. Pierius. [15. Juli.] 376. Ego Martinus Felicis Oslanensis Pannonius ex ditione et dominio Generosi Domini Stephani Gychii, natus sum ex parentibus piis, honestis et vitae innocentis, patre Felici Magno, matre vero Catharina. Ab iisdem in gymnasia scholarum traditus primum in patria et patriae adjacentia, in quibus ingenium meum pietate et morum sanctitate excolens, a charissimo meo domino praeceptore Johanne Mikleschinate sum commendatus gratia altiorum studiorum Rozebergam sub disciplinam Doctissimi viri Johannis Philomatis, cuius disciplina usus per biennium, ab eodem rursus sum commendatus doctissimo viro Johanni Prunoni, tum Rectoris officio Trinchinii fungentis ubi cum felici progressu studiorum sum uersatus etiam per biennium. Inde postea auocatus in paedagogiam a Generoso et Magnifico domino Domino Stephano Petröeczio de Petreocz et in Cassa etc. qui cum videret me pietatis esse studiosum et filio suo nihil profani quam ipsam pietatem et sanctitatem proponere, ita ut intra triennium quoque illi praeeatur, nonnihil pietatis et humanitatis studiorum illi accesserit, mihi quoque legitimam vocationem in ministerium offerre non est dedignatus, verum sibi et suorum conciona- torem constituere uoluit. — O. Pierius. [15. Juli.] 377. Ego Aegidius Coswigius Mariaemontanus Misenus perceptis in patria schola sub informatione M. Alberti Lytichii doctrinae catecheticae et linguarum rudimentis profectus sum Glaciam, ibi dedi operam literis sub praeceptore Martino Sturmio. Ubi postquam biennium exegeram, veni Bemoam, ibidem usus sum disciplina M. Henrid Hentschei. Hinc factus adultior contuli me Budissinam, ubi sub praeceptore Dn. Thoma Fabro sesquialterum literis incubui. Hinc migravi Viennam, deinde in illustrem scholam Bregensem, ubi versatus sum biennium sub Clarissimi viri Dn. M. Melchioris Tilesii Rectoris ibidem disciplina. Postea vocatus sum Nimicium ad subeundum Cantoris officium. Tandem Neostadium in superiori Silesia
