Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XIV. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1590
253 tione, pietate aliisque virtutibus praedito D. Daniele Rechenio et tandem cum praefatus praeceptor legitimam ad regimen scholasticum ab inclyto senatu Cassoviensi accepisset vocationem, cum ipso Cassoviam movi pedem et usus sum institutione ipsius, tum Novocomii, tum Cassoviae per quadriennium. Inde discedens duce Christo veni in Prussiam et receptus sum Thorunii in numerum discipulorum a D. M. Caspare Frisio, quum honorifico ornatus eram vitae et morum testimonio a D. Daniele Rechenio mihi exhibito, et versatus sum sub ferula d. M. Caspari per spácium unius anni, hoc elapso reversus sum in Silesiae partes, et in illustri schola Bregensi sub disciplina D. M. Melchioris Tilesii per semestre permansi et Brega accepi vocationem ad subeundum officium Cantoris, a primo praeceptore D. Joanne Crucigero Vogstadium, quod etiam sustinui ferme per biennium. Cumque vetus diaconus Thobias Peusker Oderanus suo sese abdicasset munere et in alium locum contulisset, Ecclesiaque Vogstadiensis ordinario diacono careret, me in locum ejus Generosus d. Bernhardus Praschma promovit. — O. Pierius. [19. April.] 368. Ego M. Johannes Agricola Jun. Calensis Lusatius vocatus ad docendum Evangelium ab illustrissima domina Sidonia Catharina e familia Saxonica Engardia et Vestphalia oriunda, principe Silesiae Teschinensi etc. et Comite Trentschini in aulam Trentschi- nensem in Vngariam: Vitaebergae XXII. die Aprilis ritu Apostolico quem ordinationem vocant more harum Ecclesiarum sacris initiatus sum a Reverendo et clarissimo viro Dn. Vrbano Pierio S. S. Theologiae Doctore et Superintendente. Cum operam dedissem literis primum in schola patria, Deinde Cotbusii sub praeceptore M. Greg. Perlitio, postea in ludo illustri Misenae Hermundurorum R. Johanne Ladislao, in Acadcmiis tandem Lipsiensi et Vitebergensi, quamquam brevi temporis spatio propter parentis angustias et calamitates plurimas, versatus sum, gradu tamen quoque philosophici, quod vocant, magisterii Vitebergae ornatus sum superiori anno, amicorum magis vrgentium, quam mei gratia. 369. Ego Gabriel Lamperti Widstochiensis Marchicus natus sub Electore Brandenburgensi incubui literis in patria sub praeceptore M. Joachimo Listenio. Hinc profectus Berlinum, ibidem usus sum disciplina D. M. Beniamin Boneri, hinc ad continuanda mea studia contuli me in Academiam Rostochianam et rnansi per biennium.
