Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
IV. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573 - 1588
327. Ego Abraham Closius Goriicensis iactis primis literarum fundamentis in patria contuli me in scholam Vratisiaviensem, ibi etiam per triennium uixi sub ferula D. Melchioris Steinbergeri. a quo et satis fideliter institutus, deinceps contuli me in Academia Francofurtensem ad Oderam, ubi etiam per anni spácium honestis literis et uerae religioni operam dedi. Tandem sub Generoso ac Magnifico Domino Melchiore Redero Barone Bohemiae uocatus sum a Reuerendo et docto domino Martino Vnslero pastore Fridlandense ad officium Diaconi. — O. Voit. [18. Dec.] 328. Ego Georgius Sartorius Chrenovinus Pannonius prima elementa ieci in patria sub diversis praeceptoribus. Deinde capessendae uberioris eruditionis gratia contuli me Moschoviam in comitatu Thurocziensis, ubi sub diciplina D. Josephi Bastiani et D. Emerici Peluchii vixi biennium. Hinc me rursus in patriam recepi et usus sum praeceptore D. Thoma Fabiani annum integrum. Post- modum veni Cibinium in Comitatu Scepusiensi, ubi egi sub ferula D. Christophori Hertelii itidem annum. Rursus in cantoratu Nouae Ciuitatis ad fluuium Vagum exegi annum. Inde vocatus -ad regimen scholae Oslanensis praefui illi trimestre, avocatus enim sum ad regendam scholam patriam, cui praefui toto triennio. Unde etiam vocatus sum ad Diaconatum per Reverendum virum D. Johannem Fabricium Zernovinum, pastorem ecclesiae Chrenoviensis. — O. Voit. [20. Oct.] 329. Ego Michael Kawicky Prividiensis Pannonius natus Prividiae sub ditione Magnificorum dominorum Thurzo prima literarum elementa accepi in patria sub praeceptoribus Domino Martino Schupka et Domino Johanne Dworsky. Hinc instinctu et suasu parentum meorum contuli me discendae Germanicae linguae gratia Pronam Germanorum, ubi vixi sub Domino Andrea Schormanno annum cum dimidio. Illinc ubi discessissem, peragrando nonnulla loca Hungáriáé et Transylvaniae consumsi annum. Veniens iterum in patriam usus sum praeceptore fidelissimo Domino Alberto Husselio tres continuos annos partim Prividiae, partim Moschoviae. Deinde suscepi munus scholasticum in pago Nowak, cui praefui annum unum: quo continuato veni Leutschoviam et vixi sub rectore domino Thoma Hentschelio trimestre. Postmodum vocatus sum in collegatum scholae patriae exegique in eo biennium, avocatus nimirum e patria ad erudiendam iuventutem scholae Thottpronensis, cui operam meam I
