Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
IV. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573 - 1587
63 in Silesiam in oppidulum Lubenam profectus sum. Postea consilio meorum parentum et cognatorum Dresdam ad uberio.rem eruditionis fructum capiendum me contuli, qua in schola, pietate et liberalibus artibus fideliter instructus sum a doctissimis viris ac scholae illius rectoribus M. Friderico Zorlero Kittingensi. M. Bernhardo Heroldt Lipsensi et M. Bartholomae Rulich Lumnicensi praeceptoribus meis colendissimis. Deinde in hanc celeberrimam Academiam Witebergensem me recepi, in qua annum versatus sum. Tandem a patriae meae urbis Bensenae praefectis ad scholasticum Cantoris munus anno 1585 vocatus sum, cui officio biennium et semestre praefui. Nunc rursum ab eisdem dei singulari prouidentia ad munus Ecclesiasticum in pago Arnsdorf suscipiendum accersor. — O. [(zwischen fi. und 10.) Sept.] 302. Ego Johannes Leuthnerus Jaegersdorffensis Silesius prima Christianae religionis et bonarum literarum fundamenta ieci in schola patria usus praeceptoribus D. Mag. Georgio Isingio, qui nunc est pastor ecclesiae Oppaviensis, et D. Matthia Vngaro Oppa- viense, medicinae sanioris doctore. Hinc de consilio parentum meorum missus in illustrem scholam Vrntislaviensem, quae est ad D. Eliza- bethae, ibi fere per sexennium uberiorem optimarum artium et liguarum culturam acquisivi paedagogumque egi primo apud Jacobum Hofmannum, deinde apud Reverendum et Clarissimum virum D. Esaiam Heidenreichium S. Theologiae doctorem et pastorem Vratislaviensem, qui exercitia concionum in templis ad D. Hierovmum et ad 11000 virgines (ut appellantur) publice habenda mihi permisit. Vsus fui ibi praeceptoribus viris clariss: et doctiss: D. Mag. Nicolao Steinpergero Rectore et poeta laureato, Reverendo viro D. Mag. Johanne Fleischero et Mag. Johanne Scholtio Vratislaviensibus, quibus abunde mea fides et diligentia perspecta fuit. Hinc missus in hanc Academiam Witten- bergensem per annum Philosophicis et Theologicis studiis, qua potui industria invigilavi. Reversus deinceps in patriam a Magnifico et Generoso domino domino Hineck seniori, domino a Wirben, domino in Freudenthal, Pistrschitz et Guldenstein, vocatus sum ad obeundum munus diaconi in Ecclesia Freudenthalensi. — O. Leyser. [1. Ocr.] 303. Ego Johannes Langius Gorlicensis a pueritia usque in patria mea schola Gorlicensi operam dedi literis ibique prima Christianae religionis et bonarum literarum fundamenta ieci usus praeceptore Dn. Magistro Laurentio Ludovico, postea uero me in hanc celeberrimam Academiam contuli, ubi fere triennium propriis
