Buchwald, Georg: Wittenberger Ordiniertenbuch 2. 1537-1572. Leipzig 1895.
Incipit Annus a nato Jesu Christo
10. August. 1572. 17. August. 181 1221. Ego Christophorus Tscheusckner Boleslauiensis in patria mea literarum et pietatis fundamentum posui, hinc me contuli Goltbergam. Ibique cum annos qua- tuor versatus fuissem, ueni Vitebergam, in qua cum essem commoratus annum, uocatus sum Carnouiam ad Ludimoderatorem, inde tandem ad officium Ecclesiasticum Tarnouiam ad quod confirmatus sum a R. Domino Doctore Friderico Videbramo Pastore ecclesiae Vittebergensis Anno 1572 10. Augusti. 1222. Ego Philippus Krugius Witebergensis in patria in pietatis et literarum honestarum studijs educatus nomen meum dedj inter numerum studiosorum referendum sub Clariss: viro Melchiorj Fendio artis medicae Doctore piae ac sanctae memoriae. Postea anno 67 ad tres conditiones uocatus sum, primum paedagogiam suscepi apud Nobilem Sigismundum a Brandenstein Illustrissimj principis ac Electoris Augustj Ducis Saxoniae consiliarium. Hinc auocatus in Styriam ad aliam paedagogiam ex consilio parentum et amicorum ac R: virj D. Paulj Eberj (piae ac sanctae memoriae) pastoris Ecclesiae Witebergensis quj a nobilj Domino meo compatre suo, ueniam mihi impetrauerat, profectus sum ac per dimidium annum paedagogum egi in intimo aerifodio superioris Styriae. Tandem a senatu huius oppidi uocatus sum ad scholasticam functionem, quam suscepi et cui praefui integrum annum, Sed cum nulla ibidem esset cerenisa, noluj permanere et rursum me contulj Witebergam et ibj commoratus per biennium, ab Ecclesia in Martzaen uocatus a Senatu Consistoralj confirmaths accepj ordinationem a Re: ac clarissimo viro D. Friderico Widebramo Superintendenti ac pastore Ecclesiae Witebergensis ipso die Laurentij qui fuit 10. Augustj quo conflagrauit bis templum Hierosolomitanum Anno 72. 1223. Ego M. Georgius Rótt Sidensis et domestica patris mei Reuerendi viri D. M. Ca8pari Rott pastoris in Sidau et publica institutione Formatoris studiorum in patria annis puerilibus usus mature in uicinum ludum Jutrebocensem ablegatus sum, ut initia artium foelicius ibi addiscerem. Hic totum ego quadriennium postquam uixissem, inde in bene constitutam scholam Dresdensem a patre meo translatus et Ludi eius tum temporis Moderatori M. Tobiae Möstelio commendatus ab eoque fideliter duos integros annos institutus sum. Maturescente uero aetate reuocatus Dresda in hanc Academiam piorum et sobriorum studiorum foelicissi- mam nutriculam ueni, in qua annos totos septem et ultra (inter eos etiam qui regia Illustrissimi Principis ac Ducis Saxoniae Electoris Domini nostri clemen- tissimi munificentia aluntur, nutritus) audiui Doctissimos Praeceptores non tantum de humana sapientia fideliter docentes, verum etiam immotam doctrinae coelestis ueritatem ex fundamentis sacrarum literarum summo studio propagantes, confirmantes ac asserentes. Quare post priuatam et publicam profectus mei in studijs explorationem cum primo gradu in philosophia XIIII Octobris Anno LXVIII a Reuerendo et Clarissimo viro D. D. Christophoro Pezelio ornatus essem, secundo ab hoc anno VII. Calend. Martij Clariss: vir D. M. Esromus Rudingerus Decanus eo tempore profitentium Philosophiam optimarum artium Magistrum me declarauit et solenniter cum alijs renunciauit. Tandem commendatione Consistorij Ecclesiastici Witebergensis ad munus docendi in Ecclesia Brenensi uocatum consueto ritu ordinationis ad illud et admisit et confirmauit Reuerendus et Clarissimus Vir Dn. D. Fridericus Widebramus Ecclesiae Witebergensis Pastor Dn. et Compater meus perpetua pietate colendus XVII. Augusti Anno Christi 1572 Aetatis uero meae 26. Filium Dei Dominum nostrum Jesum Christum crucifixum pro nobis et re- suscitatum ueris gemitibus oro, ut faciat me oxsvoq ekiovq et organum ad laudem Dei efficax et ad Ecclesiae vtilitatem salutare. Arnen.
