Fabó András: Monumenta evangelicorum Aug. Conf. in Hungaria historica III.

IV. Comitatus trenchiniensis - Sectio III. De ecclesiis in vicis, matribus quidem

Damianus Perlaky, magnifico domino Francisco Thurzó successori in dominio, pastor et ab eruditione fuit gratissimus ; post hunc anno 1580. Joannes Quetonius senior, ut taceam alios ad decennalem di- vexationem serie continua hic degentes. Ante occupationem templi sublevabatur ecclesia praesertim per officiales dominii Perényianos, ut fuerant anno 1666. arcis Lietava capitaneus, dominus Joannes Melkó de Rajecz, provisor Elias Ghillany; in Sztrecsen dominus Joannes Schrott. Anno 1705. Georgium Antoni induxit ecclesia pastorem, qui anno 1709. migrare debuit. Filialis Linczova, Lehota. In hac subditos ecclesiae magnificus dominus Franciscus Róva ademerat, sed anno 1647. durante diaeta restituit.

31) Lúki

Alias Lúcska, mature per Joannem Kulhaikam reformata. Georgius Gelenius pastor anno 1612. legibus fraternitatis superioris districtus subscriptus adest. Oppressa est generali persecutione, et anno 1704. adhuc respirabat atque in locum plebani Joannis Hu- deck Andreám Buris parochiae inducebant in vanum! Erant eidem filiales quinque; templum in matre anno 1616. aedificaverant.

32) Marikova.

In limitibus Moraviae; matrem ecclesiam fuisse inde cognitum habeo, cum Hatúc (Halács?) possessio filia ejus dicatur; fata ejus in protocollis non exhibentur. Acta diaetae anni 1681. cum Miezgocz simul inter eas ponunt, quibus templa sunt ademta.

33) Melcsicz.

Hujus pastores lutheranos a Jona Felicides ad Joannem Ho- dikium continent descriptos libri superintendentum. Sub Hodikio, mandante domino magnifico Francisco Nádasdy, praepositus ujhe- lyiensis, templum adhibitis scalis vi cepit, anno 1661., ministrum cum ignominia exutum rebus omnibus expulit. Legas acta diaetae anni 1662.,

34) Motesicz.

Juris comitum Thurzó, quoad vivebant, populosa ecclesia. Joannes Lazitius sub finem seculi XVI. clarus fuit illis doctor si9

Monumenta. III.