Fabó András: Monumenta evangelicorum Aug. Conf. in Hungaria historica III.
II. Comitatus liptoviensis - Pars gene ralis
57 Acta horum, dum priores reformatores fuerint, clarius recensenda essent, verum protocollon anno 1577. inchoatum, ad annum 1604. continuatum, in tenebris ubinam lateat ignotum est. §. 5. Publica regni lege a subordinationc venerabilis cleri romano-catholici nostri anno 1608. liberati, acceperunt jus proprios superiores seu superintendentes eligendi. Electio anno 1610. Solnae peracta liptovienses parochos Eliae Lányi superintendenti subordi- nabat, qui ad normam sibi praescriptam moderabatur trenchiniensis, liptoviensis, arvensis comitatus ecclesiis, simul cum successoribus suis, quos in comitatu trenchiniensi descriptos dabimus. Illi omnes subordinationis nexum conservabant, partim ecclesias visitando, quod evenit in hoc comitatu anno 1611., 1613., 1622-, 1625., 1632., 1653., 1707., qualia visitationum acta plurimum lucis adferent infra in describendis singularum ecclesiarum fatis; partim per dominos seniores, quorum in hoc comitatu series ex protocollo venerabilis fraternitatis decerpta haec est: Anno 1611. Samuel Hieronymiades, ecclesiae beatae virginis Mariae parochus. 1613.16. jan. electus Melchior Rohács, parochus Teuto- Liptschae. 1621.Florian Duchon, parochus Teuto-Liptschae. 1630. Jacobus Splenius, parochus rosenbergensis. 1640. Joannes Lochmann, parochus Teuto Liptschae. 1646. Samuel Chalupka, parochus tarnoczensis. 1647. Georgius Parschitius, parochus ad beatam virginem Mariam, dein rosenbergensis. 1653. Simon Frivaldszky, parochus Teuto-Liptschae. 1683. Samuel Tranoscius parochus nicopolitanus senior. 1685. Joannes Bonis, pastor rosenbergensis in congregatione divae Mariae electus. 1705. Christophorus Plochius , trsztenensis , tandem Omnium Sanctorum. Reductis ecclesiis ad exiguum numerum, superintendens Elias Mohlius anno 1744. ordinem conservaturus, svadebat quatuor lipto- viensibus atque arvensibus duobus ecclesiarum pastoribus , in unum coalescant contubernium; consilio acceptato communis senior delectus 1744. Joannes Textoris, pastor nagy palugyensis ecclesiae;
